Elelo lyondoolopa lyaNgwediva otali kumagidha aanangeshefa aashona opo ya ninge omayindilo gwomauliko giipindi gesiku limwe.

Omugandji gwomauyelele melelo lyondoolopa lyaNgwediva Jackson Muma okwati, omauliko giipindi ngoka gesiku limwe otaga ka kalako momasiku 30 gaKotomba nuumvo.

“Kehe gumwe okwamanguluka okuninga omaindilo. Omahala ngoka otaga ka gandjwa sha ikwatelela kwaa mboka ya ningi omaindilo tango, oshoka omahala ka geshi ogendji,” ta fatulula.

Muma okwa ti, omauliko giipindi ngoka inaga pitika iikolitha, ihe otaga ka pitika ashike iikwakulya, iikutu, ikwanafalama, ikwamagadhi oshowo iinima yi li momagumbo inayi pumbiwa nenge iikulu.

“Okukutha ombinga momauliko giipindi moka okuna 70. Omanga pomweelo itapu ka pulwa ofuto ya sha ,” ta ti ngaaka.

Ta gwedhapo ta ti, oofoloma ndho maindilo oshowo mauliko giipundi otaga ka ningilwa mo Trade fair mOngwediva.

“Konekeni kutya, omauliko giipindi ngoka otaga ka kalako ashike esiku limwe, ndyoka tali ithanwa “Saturday family market day”.

Muma okwafatulula kutya esiku ndyoka okwali ye li hogolola okugandja ompito kaakalimo yomOngwediva ya ningi eepindi yawo oshowo ya ulike iilandithomwa yawo. “Ndyoka ohayi kala ompito ombwaanawa kaanangeshefa, sho taya shuwathana yo taya uulikilathana iipindi yawo,” ta ti ngaaka.

Shoka hasho oshikando sho tango elelo lyondoolopa ta li longekindha omauliko giipindi gesiku limwe.

Kwaamboka ya pumbwa uuyelele wa gwedhwa po, naya ndhenge konomola 065 230 191