New Era Newspaper

New Era Epaper
Icon Collap
...
Home / Enota ladengwa po moshikandjohoololo shaShikunde

Enota ladengwa po moshikandjohoololo shaShikunde

2021-09-10  Festus Hamalwa

Enota ladengwa po moshikandjohoololo shaShikunde

Elelo mOhangwena ola a ndyakaneka omeva momikunda ngaashi Oomaanda, Ohameva nOmukukutu eshi vali va yandya eemboola dili mbali mEtitatu.

Oshiwana shopomudingonoko Oshangu, Omunyanghwe ita shi ka enda vali eendjiladiledile shaashi osha pewa eyakulo lomeva le ya popepi.

Omboola imwe oya tulwa pomudingonoko Oshangu, omanga ikwao oya tungwa pomudingonoko Omunyanghwe notai ka yakula omikunda dili nhatu.

Moshipopiwa shaye kansela woshikandjohoololo shaShikunde Lonia Kaishungu okwa tambula ko eemboola domeva nolupandu linene. 

Okwa popya ta ti oshiwana shopomudingonoko opo osha kala shi li momhumbwe yomeva okunwa, novakwashiwana ova kala hava ende endjila dile tava kateka omeva keendungu.

Onghee Kaishungu okwa ti eemboola edi ota di ka kwafela omikunda dihapu moshikandjohoololo shaye shaashi oda tungwa dili pamufika woshinanena.

“Natango otwa pumbwa omayakulo ahapu moshikandjohoololo shange
ngaashi oupangelo, netenda lomakwatafano, onghee ohandi indile ovanangeshefa ile ovanapolitika opo ve u ye vayambidide oshiwana shomoshikandjohoololo shaShikunde shaashi oshiwana oshapumbwa
omayakulo ahapu,” Kaishungu ta ti.

Omupeduwiliki koshikondo shokuyambulapo omikunda melelo lopaukansela moshitukulwa shaHangwena Natalia Ndaitwa pefimbo ta yandje eemboola okwa popya ta ti elelo otali twikile nokukala tali yambidida oikandjohoololo ei ili momhumbwe yomeva shaashi omeva okwa fimana.

Ndaitwa okwa kunghulila oshiwana opo shi kale tashi longifa nawa eembola edi opo di dule okukala da longifwa efimbo lile nokepupi taliya, onghee okwa ti ovanhu na va xulife po okukala tava teya po oinima va pewa kepangelo.

Okwa ti okwa pandula epangelo eshi lina oshisho noshiwana shokomikunda shaashi oshimaliwa eshi ha shi yandja omayakulo koikandjohoololo oha shi di kepangelo.

“Oshiwana osha pumbwa okulongifa yo omeva aa mokuninga oinyangadalwa yavo ngaashi okuninga oikunino yoimeno opo oshiwana shi kale tashi longo oikulya yavo vene tashi pitile mounamapya. 

Onghee osha fimana ngeenge ovanhu tava longifa ounongo vavo mokuninga oikunino shaashi paife omeva opo eli a wana,” Ndaitwa ta ti.


2021-09-10  Festus Hamalwa

Share on social media