New Era Newspaper

New Era Epaper
Icon Collap
...
Home / Epeya lya fike oohekita 920 644

Epeya lya fike oohekita 920 644

2022-10-04  Victoria Kaapanda

Epeya lya fike oohekita 920 644

Oshilongo osha kala tashi lopota omililo dhomapeya omumvo nguka. Okuza mu Apilili nuumvo sigo omasiku 22 Sepetemb, oohekita 920 644 odha pi komulilo oshilongo ashihe. 

Shoka okwa li sha tothwamo momushangwa gwapitithwa komupopiliko nomagandji gomauyelele muuministeli womindhingoloko iihwa nomapashiyono Romeo Muyunda mehuulilo shiwike.

Okwa lopotwa omwenyo gomuntu gumwe afalelwa komililo ndhoka omanga yaali ya ehamekwa shinyanyaleka.

Uuministeli owa ti, omililo ndhepeya ohandhi holoka olundji pethimbo lyokwenye, unene okuza muDesemba sigo omomukokomoko gomumvo.

‘’Omulilo ngoka ogwa holoka unene miitopolwa Kavango, Otjozondjupa, Zambezi, Hardap Erongo, Kunene, Khomas oshowo Oshikoto,’’ ta ti ngaaka.

Muyunda ta ti, ndyoka olyo ethimbo epeya ha li mbugaleke omakuti oshowo okuhanagula po omapeya noku faalela oomwenyo dhaantu, onkene oshigwana otashi kumagidhwa shi kale sha kotoka ethimbo kehe.

Ta kumagidha kutya oshihwepo ngele oshigwana shi ikaleke hashi kala ko kule nomahala una taga pi oshowo okuga lopota meendelelo.

Ta ti, nonando omililo ndhoka dha holoka  inadhi shiwika natango mpoka dha zi, oshigwana otashi kunkulilwa shi kale aluhe tashi kwata nawa iinima hayi tema omulilo, okuyanda uupyakandhi wolundhi ndoka. 

Okupitila mooradio, ookansela yomiikandjohogololo ya yooloka, oya kumagidha oshigwana shi kwate omulilo nuukeka, opo omililo dholudhi ndoka, handhi holoka okuza pethimo ndika, kaandhi holoke.

“Oshigwana nashi kale sha ndhindhilika kutya omulilo ohagu taandelekwa kombepo, onkene oshigwana nashi kale tashi kondolola omililo uuna tashi tema, nuuna sha mana okutema, okukwashilipaleka kutya omulilo ogwa dhima thiluthilu,” dha kumagidha ngaaka. 

Ta dhi ti, okukeelela okuvule okupanga, onkene ngele shika osha keelelwa itashi holoka.

“Omulilo ogu na okukondololwa opo kaagu holoke, onkene shika nashi tameke okuza megumbo kehe. Oshigwana nashi kunkule omwiidhi pooha dhomagumbo oshowo kehe pehala omulilo tagu vulu oku andjakana gu ete omawupyakadhi,” ookansela taya popi ngaaka.

– vkaapanda@nepc.com.na


2022-10-04  Victoria Kaapanda

Share on social media