WINDHOEK- Esiku lyaantu mboka haya lumbu nuulema ndyoka hali dhanwa kehe komumvo nuumvo otali dhanenwa mOkuryangava moshikandjohogololo shaTobias Hainyeko moshitopolwa shaKhomas.
Ngoka e li omuhwahwameki gwaantu mboka haya lumbu nuulema mombelewa yOmupevipresident Mercy Kufuna  okwa hokolola momulombohiyo ngoka a tumine kiikundaneki kutya oshi li omukalondjiigilile okutyapulwa kehe omumvo.

Kufuna okwa hokolola kutya okutyapula esiku ndyoka otashi nkondopaleke aantu mboka taya lumbu nuulema  noshowo oku indjipaleka okukala ye na ko sha koonzo dhopashigwana.
Okwa ti kutya esiku olyo tuu ndyoka otali ka dhanenwa kohi yothema “Onakuyiwa otayi ka mona uupitilo”, shoka tashi ti paufupi kutya aantu ayehe konakuyiwa naya kale ye thike pamwe ngele tashi ya puupitilo kapu na okatongo kaanuulema.

“Esiku lyaanuulema lyopashigwana  olya li lya totwa momumvo 1992 kIigwana ya hangana  notali tyapulwa pauyuni auhe koonono momasiku  ga-03 gaDesemba,” osho Kufuna a hokolola ngaaka momulombo ngoka.
 Okwa ti kutya esiku ndika olya li lya dhenenwa tango tango moNamibia momumvo ngoka gwa tumbulwa pombanda naNamibia ota tsikile okukala ta tyapula esiku ndyoka .
 Onkene nuumvo esiku ndika otali dhanwa nokutyapulwa mEtine lyoshiwike shika.