New Era Newspaper

MTC Shares 3
Icon Collap
...
Home / Etemo lya ya komupini nande, Shiyenga a kala ko

Etemo lya ya komupini nande, Shiyenga a kala ko

2020-12-09  Victoria Kaapanda

Etemo lya ya komupini nande, Shiyenga a kala ko
Top of a Page

Nonando Shiyenga a li e ga dhenge pevi nawa oshiwike sha zi ko, aanafalama yamwe monooli oye wete omvula ya kalako okuloka,  okutameka okulonga omapya gawo.

Oyendji nonando ya kala yena omukumo kutya, nuumvo opena omuloka omwaanawa, yamwe otaya ende taya sholola oshoka, shito ethimbo ndika lya Desemba oondima ngeno  odha tameka nale nenge dhi li mokati.
Martha Shekunyenge ayambukile momukunda Omuthitu gwalwani okwa ti, ota ende ta sholola, oshoka natango omvula inayi loka ngaashi yina okuloka opo ya vule okutameka iilonga ya wo yo momapya.

“Pethimbo ndika shito omvula ngeno oya loka nale, omatale guudha omeya niimuna yetu ngeno otayi li nale omwiidhi omutalala,” Shekunyenge  ta ti ngaaka.
Agwedhapo ta ti,  omvula ohayi ya kutha woo mondjala, unene kombinga yomwelelo.  Ta ti, ngaashingeyi ngeno otaya kwata nale omafuna noohi no kulya omboga.

Selma Newaka gwomomukunda Onawa okwa ti, sho ngaa ta te ngeneke, naasho ta tala kegulu otaku ulike kuna omulokwa omwanawa nuumvo. “Omvula oyindji ohayi kwata ethimbo okuloka, onkene ondina omukumo kutya nuumvo otuna okumona omulokwa omwanwa no tuna okulonga nuudhiginini,” Newaka a popi ngaaka.
Ta kumagidha aanafalama ya kale yena omukumo gwomvula, yo ya tsikile wo oku indila omagalikano, oshoka ayihe ohayi zi kuTa te megulu no hayi holoka kehalo lye.

Newaka natango okwa ti, unene omvula ohayi tameke okuloka ya dhiginina  pethimbo lyevalo lyomukulili  sigo omvo omupe.
Naeman Shipindo omunafalama gwiimuna o ta ti, uuyuni wo payife ita wu inekelwa we. Natango kena omukumo kutya omvula otayi ya nenge itayi ya.

“Otwa tsakaneka iikumithi longa nale, ngaashi yiimuna yetu ya si po kondjala omvo gwayi, nomukithi dha ponkele oshilongo shetu inaatu dhi uva nale, onkene ayihe ngaye otandi yi tula miikaha yOomwa,” Shipindo a popi ngaaka.
Ta ti, oha ende oshinano sha thika pookilometa ntano okukanithwa iimuna ye, nongele omvula oya loko otayi mukondo omagulu oshoko iishana ohayi kala ya udha omeya nomwiidhi.  


2020-12-09  Victoria Kaapanda

Tags: Khomas
Share on social media
Bottom of a page