New Era Newspaper

New Era Epaper
Icon Collap
...
Home / Etemo lya yi komupini

Etemo lya yi komupini

2021-02-10  Victoria Kaapanda

Etemo lya yi komupini

Victoria Kaapanda

Oondima odha tameka, netemo olya yi miilonga miitopolwa  yomonooli, nonando omuloka hago naanaa tagu nyanyukitha aanafaalama yomomapya. 

Oshiwike sha zi ko, Kundana okwa li a talele po aanafaalama yamwe moshitopolwa shaMusati oshowo moshitopolwa shaShana.

Omapya ogendji otaga ulike ge na iilya, nonando aanafaalama otaya nyenyeta omuloka inaagu gwana, ngaashi kwa li ya tengeneke.

Kuku Maria Nangolo gwomomukunda Olupumbu, okwa ti, omasiku gokulala oga pwa ko, paife ethimbo lyokulonga.

”Ngame naanegumbo lyandje ohatu penduka po05h00 yongula, tatu umbu etemo, tse tatu zimbuka po11h00 gwongula,” ta ti ngaaka.

Nangolo ta ti, ethimbo ndika olyo lyokulonga, itatu tegelele omvula yi loke ngaashi kwa li twa tengeneke, ngele inayi loka nale petameko lyaJanuali.

“Otatu pandula, oshoka iilya yetu inayi sa komutenya yo inayi kukuta. Omvula ohayi loko okukoleka iilya yetu. Omukumo otuguna natango, kutya otuna okulokwa, okuna ethimbo natango,” Nangolo ta hokolola.

Ta ti, ombepo otayi pepe nawa, oya inekela kutya momasiku galandulako, omvula oyina okuloka nawa.

Kundana sho a li a talele po omikunda dhimwe moshitopolwa shaShana ongula yEtine, aanafaalama oyendji oya li ya piti ye li momapya, yamwe otaya limi, yo yamwe otaya kunu omanga yamwe opo taya pulula.

Shikesho Natanael, okwa ti ina pulula natango epya lye, oshoka omvula ndjoka ya loko sigo onena, inayi mweetitha oonkondo dho kulonga.

“Otandi tameke okulonga epya lyandje ngele omvula ya Febuluali ya loko. Ethimbo ndika oku za paife omvula opo hayi loko, ihe ngele omwedhi nguka ogwa piti inaayi loka ngaashi shito, nangame itandi pulula we,” Nathanael a popi ngaaka.

“Ta ti, sigo oompaka otapandula, omwiidhi ogwa mena nawa, iimuna oya paluka nawa komalutu” ta ti ngaaka.

Nathanel ta ti, natango kena uumbanda, sho inaa tameka okulonga epya lye, oshoka okwa itaala kutya, ethimbo omvula tayi ka loka nawa, ethimbo alihe,  nena iilya otayi ka koka tayi ende lele.

“Ayehe mboka yatameke okulonga omapya gawo muJanuali, otuna okuka teyela iilya oshita,” ta popi nomukumo.


2021-02-10  Victoria Kaapanda

Share on social media