New Era Newspaper

Icon Collap
...
Home / Etuntilo lyCovid-19 haku panga, ihe okugamena - Shangula

Etuntilo lyCovid-19 haku panga, ihe okugamena - Shangula

2021-03-25  Victoria Kaapanda

Etuntilo lyCovid-19 haku panga, ihe okugamena - Shangula
Top of a Page

Minista guundjolowele nonkalonawa Kalumbi Shangula okwa fatulula kutya omiti ndhoka tadhi tuntilithwa aantu kadhi shi dhokwaaludha, ihe otadhi keelele opo aantu kaaya kwatwe komukithi gwoCovid-19.

 

Shangula ndhoka okwe dhi popi ohela gwesiku gwoCovid-19. 

“Omukithi gwoCovid-19 inagu monenwa epango natango, ihe ogwa monenwa omiti tadhi vulu oku gamena etaandelo lyomukithi ngoka,” ta ti ngaaka.

Ta ti, omuti ngoka otagu vulu okukeelela etaandelo lyomukithi ngoka, uuna kwa tuntilwa kehe gumwe.

“Ngele wa pewa omuti ngoka, oto vulu wu uve uululume  wopokathimbo, ngaashi komapepe, omasipa taga kwatathana, omvulwe oshowo omutse, ihe ayihe mbyoka omandhindhili ko kutya omuti otagu longo molutu okulwitha oombakiteli,” a fatulula ngaaka.

Ta kumagidha ta ti, shoka inashi mu tilitha nando, ka shi na nando uupyakadhi washa.

Minista ta ti, kehe ngoka ta ka wendwa ota ka talelwa, opo ku kondololwe nkene omiti tadhi longo uule wominute 30.

“Aapangi taya gandja omiti ndhoka oye na omiti dhimwe dha gwedha po okuhakula uuwehame wumwe ngele we ya po. Kehe ngoka a pewa omiti dhoka ihe okwa tsikila okululuma omasiku ga thika pugatatu, na thike poshipangelo meendelelo,”  a popi ngaaka.

Shangula ta ti, aantu oyendji oy ali ya tunitilwa esiku lyotango, shoka tashi hokitha notashi gandja omukumo kutya oshigwana oshi uviteko esimano  lyomiti ndhoka.

Omiti ndhoka odha tameke okwaandjanekwa tango kiitopolwa Khomas nErongo, hoka aantu ya pita 100 ya tuntilwa nale noya li ya tameke naanambelewa mendiki lyuundjololowele.

Ta gwedha po ta ti, omukithi ngoka otagu tsikile okutaandele momahala moka mu na aantu oyendji, ngaashi omihandjo dhoosikola oshowo moondholongo.

“Aalongwa ya za koosikola dha yooloka ye li 51, oshowo aalongi ye li yane naanandholongo ye li yaali oya lopotwa ya kwatwa komukithi gwoCovid-19,” Shangula ta ti ngaaka.

Ta ti, omukithi ngoka ogwa faalele oomwenyo dhAanamibia ye li 402 kumwe, okuza esiku gwa ponokele moshilongo.


2021-03-25  Victoria Kaapanda

Share on social media
Bottom of a page