New Era Newspaper

Icon Collap
...
Home / FirstRand a yandja oikwafifo yoCovid-19 kouministeli wouhaku

FirstRand a yandja oikwafifo yoCovid-19 kouministeli wouhaku

2021-12-02  Festus Hamalwa

FirstRand a yandja oikwafifo yoCovid-19 kouministeli wouhaku
Top of a Page

Festus Hamalwa

FirstRand okwa yambidida oumisteli wouhaku nonghalonawa eshi  a yandja oikwafifo 115 yokufudifa ovanhu va kwatwa kombuto yoCovid-19 ve li moipangelo.

Oikwafifo ya yandjwa otai kala tai tulwa komashina a kula opo ikale tai endele omhepo yau ka komunaudu opo  a kale ta fuda noupu.

Oikwafifo yokufudifa ya yandjwa oya ningwa koshipupudilo shaUnam naNUST nelalakano i kale tai tuminwa koipangelo shaashi okwa didilikwa ovanhu vahapu hava kala va pumbwa oikwafifo yoCovid-19.

Oikwafifo ya yandjwa oili pongushu yoshimaliwa N$250 000. Moshipopiwa shaye omukulunhuwiliki woshipangelo shaShakati  Dr Asumani Kibandwa pefimbo ta tambula ko oikwafifo okwa ti okwa pandula unene oFirstRand eshi yambidida oshikondo shouhaku.

Kibandwa okwa ti oipangelo ihapu oya kala ya talela eshongo lakula eshi ovanaudu ha kala veli moipangelo va pumbwa oikwafifo yokufudifa ndele kapena sha. Okwa ti oikwafifo ei otai ka eta po elunduluko lakula mouministeli wohauku unene tuu pefimbo eshi eshilongo sha talela ekufikufi etine.

“Paife ouministeli wouhaku otau ka longa noupu okukala tau yandje omayakulo opaunamiti kovanhu va kwatwa kombuto yoCovid-19 shaashi paife owa pewa oikwafifo yokufudifa ya wana okulongifwa kovanhu vahapu,” Kibandwa ta ti.

Moshipopiwa shaye omukulunhuwiliki woFirstRand Namibia Conrad Dempsey okwa ti FirstRand ota  lalakanene okushakena epangelo ondjilakati tashi pitile mokuyambidida oshikondo shouhaku.

Okwa ti FirstRand okwa didilika omashongo a talelwa moipangelo eshi ha mu kala muna ovanhu va kwatwa kombuto yoCovdi-19  veli momhumbwe yoifudifo.

Dempsey okwa ti otava twikile nokukala tava longele kumwe noshipupudilo shaUnam noNUST opo va dule okulonga oikwafifo ihapu yokukala tai longifwa kovanhu moipangelo.

“Ohatu lalakanene okukondjifa ombuto yoCovid-19 nokuxupifa eemwenyo dovanhu va kwatwa kombuto veli moipangelo,” Dempsey ta ti.

fhamalwa@nepc.com.na


2021-12-02  Festus Hamalwa

Share on social media
Bottom of a page