New Era Newspaper

New Era Epaper
Icon Collap
...
Home / Gumwe a ehamekwa, Omagumbo (7) ga pi po

Gumwe a ehamekwa, Omagumbo (7) ga pi po

2024-05-21  Victoria Immanuel

Gumwe a ehamekwa, Omagumbo (7) ga pi po

Omunamimvo 52 okwa ehamekwa moshiponga shomulilo ngoka gwa hanagula po omagumbo agehe gaheyali kolukanda lwaMondesa moSwakopmund, mehulilo-shiwike.

Opolisi oya hokolola kutya oshiningwanima osha holoka lwopotundi 03h00 mepandaanda John Arnoldt.

Otaku hokololwa kutya kape na omuntu a sila mo nonando omagumbo ga hanagulwa po thiluthilu ko mulilo.

Opolisi oya ti, kadhimamulilo okwa gandja omayakulo mendeelelo opo omulilo kaagu taandele unene. 

Omukalimo moshitopolwa shErongo Frans Petrus omumvo gwa zi ko okwa pandulwa kopolisi sho a hupitha omukiintu gomimvo dhopokati ngoka a li a gwile mombashu sho oombashu hamano dha hanagulwa po komulilo.

Sha ikolelela kopolisi shoka osha holoka momudhingoloko Mondesa koWalvis Bay.

Otaku hokololwa kutya omukiintu ngoka a li a kotha okuuvu aantu taya kugu konima yombashu ye.

Opolisi tayi ti sho a piti pondje okwa mono omulilo gwa yaka gu uka mombashu ye.

Ya hokolola kutya omukiintu ngoka okwa shuna mo mombashu ye nelalakano lyoku ka hupitha omaliko ge gamwe, sho a yi meni anuwa okwiihata po kolwithi.

Anuwa shoPetrus sho a thiki poshiningwanima okuuvu aantu taya kugu, taya ti mombashu moka omwa ya omuntu ihe ina galuka mo.

Otaku hokololwa kutya okwa li a yi mo a pitile p ekende nokwa li a kutha mo omukiintu ngoka a li adha a lala pevi.

-vkaapanda@nepc.com.na

 

 

 

 

 

 


2024-05-21  Victoria Immanuel

Share on social media