New Era Newspaper

New Era Epaper
Icon Collap
...
Home / Gumwe a si, yaheyali ya ehamekwa

Gumwe a si, yaheyali ya ehamekwa

2022-01-10  Victoria Kaapanda

Gumwe a si, yaheyali ya ehamekwa
Top of a Page

Aantu yeli yaheyali oya mono oshiponga shinyanyaleka omanga gumwe a hulitha, moshiponga shohauto moshitopolwa shaMusati.

Sha ikolelela kuuyelele wa gandjwa komukuluntu gopolisi moshitopolwa shaMusati Titus Shikongo, oshiningwanima shoka osha holoka oshiwike sha ziko momukunda  Ongozi momundhingoloko gOkahao. Otaku hokololwa kutya oshiponga shoka sha faalele omwenyo gwa gumwe, okwali sha holoka sho omuhingi gobakkie yoIsuzu ya kanitha oonkondo  etayi idhenge mohauto kwali tayi zi komeho, oshipala no shipala.

Ta ti, shoka okwali sha eta ohauto ndyoka natango yi tanauke ko iikando oyindji, nomuhingi okwali ahulithile poshiponga mpoka. Aahingi ayehe yaheyali  okwali ya kamona uuhaku koshipangelo shaKahao, yamwe  ngaashingeyi oyeli monkalo ohwepo omanga yamwe yeli natango muuwehame unene. Akwanezimo oya tseiyithilwa. Nakusa okwa tseyika nedhina Eposhe Andreas gomimvo 39,ayambukile momukunda Epato mOkahao.

Opolisi oyakumagidha oshigwana shi hinge nuukeka.  “Otwazi methimbo lyomatango omanene, ihe otushi okupandula oshoka inatu tsakanekamo iiponga oyindji ngaashi omimvo ndhimwe dha piti,” ta pandula.

Ta ti,  onkene oshigwana nashi tsikile no kwiihumbata ngaaka okuyanda iiponga yomoondjila.  

– vkaapana@nepc.com.na


2022-01-10  Victoria Kaapanda

Share on social media
Bottom of a page