New Era Newspaper

New Era Epaper
Icon Collap
...
Home / Gumwe a yahwa okusa kaanambelewa yo-MET

Gumwe a yahwa okusa kaanambelewa yo-MET

2023-01-24  Victoria Kaapanda

Gumwe a yahwa okusa kaanambelewa yo-MET

 Aanambelewa yuuministeli womidhingoloko iihwa nomapashiyono (MET), oya yaha aalumentu mboka kwa li yi ikuthile oveta nokudhipaga iiyamakuti ya gamenwa. 

Otaku hokololwa kutya, monkambadhala sho kwa li taya ganda aalumentu mboka yatatu yi ikuthile oompango dhokudhipaga iiyamakuti, oya li ya yaha nokudhipaga omulumentu gumwe gomuyo. Sha ikolela komunambelewa omukuluntu nomugandji gomauyelele Romeo Muyunda okwa ti oshiningwanima osha holoka mehuliloshiwike, mofaalama yimwe yiiyakamukuti ya gamenwa, inaayi tseyithwa kedhina. Ta hokololwa kutya aalumentu mboka yatatu okwa li ya adhikilila kaanambelewa yuuministeli taya dhipaga ompanda oshowo ongombe. “Aalumentu mboka okwa li ya gandwa nondjembo sho yu umbwa mombanda opo yaa tsikile naashoka kwa li yi ipyakidhile nasho, ihe okwa li ya tondoka po,” ta ti ngaaka. 

Ta ti, okwa li ya tidhwa nosigo ya li yu umbwa kaanambelewa, oshoka inaya hala okukankama. 

Yaali okwa li ya monithwa oshiponga omanga gumwe a li a pondola okumatuka po thilu. “Gumwe gomwaamboka ya yahwa okwa li a hulitha konima yethimbo,’’ ta hokolola ngaaka. Muyunda okwa ti aanambelewa sho kwa li ye li metifa taya tidha aalumentu mboka, okwa li yi itsu mooshako mu na iilyo yoompanda. Otaku fekelwa ooshako ndhoka dha li dha holekwa kaalumenutu mboka natango. Muyunda okwa li a yelitha kutya moshiningwanima shi li ngaaka, mwa kanithile omwenyo gomuntu omanga kwali ta longo iilonga inaayi uka, uuministeli ihau gandja omayambidhidho ga sha. "Uuministeli ihau zi oshimaliwa okufuta omuntu ngoka nenge okuyambindhindha nomalongekidho gefumbiko,’’ ta ti ngaaka. Ta gwedhapo ta ti, oshiningwanima shoka osho sho tango sha holoka nuumvo. Ta kumagidha oshigwana shiikalaleke ko kule niingwanima yolundhi nduka. 

vkaapanda@nepc.com.na 


2023-01-24  Victoria Kaapanda

Share on social media