New Era Newspaper

Icon Collap
...
Home / Haikali e na olukeno noshiwana eshi shi li momhumbwe yoikulya

Haikali e na olukeno noshiwana eshi shi li momhumbwe yoikulya

2021-05-17  Festus Hamalwa

Haikali e na olukeno noshiwana eshi shi li momhumbwe yoikulya
Top of a Page

“Ondi na oshiwana komutima, ondi hole okukwafa oshiwana eshi shi li moluhepo ngaashi naanaa nda kwafela oshiwana eshi kwa li tashi mono oixuna shihe na oikulya, oikumbafa, eembete noikutu molukanda Kuvu Kiland modolopa yaTsumeb.”

Aa omatumbulo omuwapaleki moshipangelo shepangelo shaTsumeb Israel Tulongelwa Haikali meenghundafana a ninga naKundana ta hokolola nolukeno nghee ta kwafele oshiwana eshi shili moluhepo she e na oikwafifi momaumbo.

Haikali okwa yandja oinima ngaashi oukutu voufila, oshivelelwa sheeshi, oikumbafa, ombete, oikutu nosho tuu.

“Ovanhu a va kakwali vena ombete yokunangala noikumbafa okwali ava nangala pedu. Meumbo lavo oveli mo vatano, omukainhu nounona vaye vatatu nokatekulu kamwe. Ova kala tava mono oixuna ve ena eshi tava li meumbo,” Haikali ta ti. Haikaki okwa ti ovanhu a va akwafela okwali hava i ketoto loimbodi tava kakonga oikulya ei ya ekelwashi. Okwa lombwela Kundana ta ti ota twikile nokulongifa oka shona a ka ena opo a kale ta landele ovanhu aveshe a va veli momhumbwe yoikulya nosho yoo oikwafifi yo momaumbo yawendwa po.

“Ame ondili a shike andi longo ongaa omuwapeleki moshipangelo shepangelo shaTsumeb, onghee onda hala okukala a ndi kwafele oshiwana eshi tashi mono oixuna shi ena oikulya momaumbo,” Haikali ta ti.

Haikali okwa ti okuli yoo vali a yandje noikulya kounona vovanafikola a va veli moluhepo momudingonoko wodolopa yaTsumeb.

“Oku yandja oku tulika, onghee na tukale atu kwafele ovanhu a va veli monhumbwe,” Haikali ta ti.


2021-05-17  Festus Hamalwa

Share on social media
Bottom of a page