New Era Newspaper

New Era Epaper
Icon Collap
...
Home / 'Hamomapandaanda getu' - Witbooi kaanona yAangola

'Hamomapandaanda getu' - Witbooi kaanona yAangola

2024-05-28  Staff Reporter

'Hamomapandaanda getu' - Witbooi kaanona yAangola

OM U P E V I M I N I S A G W I I K W A M E N I YOSHILONGo netonatelo lyokoongamba Lucia Witbooi okwa lombwele aakwashigwana yaAngola mboka ya hala okutauka mo mokamba moka ya tulwa kepangelo lyaNamibia kutya itaya ka pitikwa we ya ka endagule momapandaanda gaNamibia. 

“Kandi na uudhigu oku mu egulula mo mehala muka. Ashike omu na oku tu lombwela kutya otamu ka helulilwa peni. Shoka sha yela osho shoka kutya itamu shuna mo we momapandaanda,” Witbooi ta yelitha. 

Omupeviminista okwa ti Aangola mboka oya li ya tulwa mehala lyoNational Youth Service mOndangwa, pauvathano pokati kepangelo lyaNamibia naAngola opo ya kale mo taya silwa oshimpwiyu. 

Ongundu yaakwashigwana yaAngola mwa kwatelwa aakiintu naanona mboka ya kuthwa momapandaanda nok tulwamendiki moka ye li taya silwa oshimpwiyu, unene ngele tashi ya kiikulya nomulalo. Aantu mboka unene yomuhoko gwOvazemba oya tameke okumbombolokela moNamibia okuza omimvo mbali dha piti, anuwa ya tauka ondjala koshilongo shawo hoka kwa ningi omumvo inaaku mona omvula. 

Okwa kala ku niwe eikwatopomutima, unene shi na sha negameno lyaanona – ye mwene oye li kohi yomimvo ntano - mboka yamwe haya waimine ooyina, nayamwe ohaya kala kuyo yene taya shingitha uuluko, oondhimbo niihemba yo taya hehela iimaliwa niikulya pomahala gomangeshefelo. 

Shoka osha etitha opo epangelo lyaNamibia lyi katuke onkatu nokukutha mo aantu mboka momapandaanda e tali ya kongele ehala lyokukala. 

Ashike ohela Aangola mbaka ayehe kumwe ye li 73, oya tukula oshipotha anuwa ya hala okushuna momapandaanda moka ya kala, oshoka oya hala iimaliwa. 

Shika oye shi ningi pethimbo Witbooi a li a talele po osenda ndjoka, a tale onkalo moka ye li ye a ninge oshigongi shiikundaneki. 

“Tse otwe ya [moNamibia] tu longele eefamili dhetu twe dhi thiga kegumbo [koAngola], inatu ya tu kale twa patelwa muka. Otwa hala tu shune tu ka landithe iinima yetu,” osho okanona kamwe keli lwopomimvo 12 ka popi pethimbo taya ningi ‘inda mo ndiye mo’ naWitbooi. 

Witbooi okwa ti mehala mpoka yeli oli monkalo ombanawa, oshoka oye na omeya nolusheno, opwa yela yo ishewa oye na mpoka taya telekele. For 


2024-05-28  Staff Reporter

Share on social media