New Era Newspaper

Icon Collap
...
Home / Hompa Kaundu kagwanekerere nomatjiliso gonomfa kutunda kwasimpunda sendi

Hompa Kaundu kagwanekerere nomatjiliso gonomfa kutunda kwasimpunda sendi

2021-01-21  John Muyamba

Hompa Kaundu kagwanekerere nomatjiliso gonomfa kutunda kwasimpunda sendi
Top of a Page

RUNDU - Hompa gorudi rwambunza Alfons Kaundu kazire kovaporosi aka hundire epopero morwa kuna kumutjilisa asi tavamudipaga, matjiliso gana kutunda kwasipwa sendi gonomvhura 22. 

Mpitisili gorudi dogoro ngesi kakazegwilire erapoto lyokumutjilisa ndi asi kumutumbwidira nomfa.
Mokukwama vaporosi, Kaundu momapeu ganapuko pongurangura kwamuhomokerere pombara zendi poSigone momukunda horowero gwaKapako moKavango zoutokero kutundilira kwasimpumba,  sendi, ogu ana kara asi kapi tatumutumbura ngesi, dogoro ngaka moneke kompanguro.

Mugazarerwa ogu kakere ana kutjilisa hekurwendi nokumutantera asi tamudipaga, yimo ngoso vana kutanta vaporosi womoKavango zoutokero mukurona gwawo momukunda Jaephat Abel.

‘’ Ose katumukwete mugazarerwa ogu, ana kara asi ekoro lyomufumadekwa Hompa, ntani age kuna kumundindira aka moneke kompanguro. 
Mosihorkwa simwe, vaporosi moKavango zoutokero kuna kukona kona sihorokwa omu mukadi gonomvhura 28, kavamuveke yimaliwa yendi yokusika koN$550 kovantu wokupira kudivilisa, ogu karandesere yidwara kupitira momagwanekero gonongondi ndi asi face book. 
Mokukwama vaporosi, munyandi kamwene yikoverero vana kutjingisa kupitira moface book. 

Konyima nye zokugwanekera kumwe nomurandesi, munyandi makura yipo kutuma simaliwa kupitira mo ewallet. 
Mokukwama simpe vaporosi, mugazarerwa kulimbwilire asi ana gwana yimaliwa nye kapi karetere mudwaro ogo. 
Munyandi muNamibia gatunga momukunda gwaMpungu, kugava yimaliwa eyi kayihorokere nye mouvali wakapita. Kwato kapi vana yigwana ntani kwato ogu vana kwatako, nye makona kono simpe kuna kutwima,’’ yimo ana kutanta Abel.
- jmuyumba@nepc.com.na


2021-01-21  John Muyamba

Share on social media
Bottom of a page