New Era Newspaper

New Era Epaper
Icon Collap
...
Home / Iikoya iikukutu moMusati otayi holoka molwa iikolitha

Iikoya iikukutu moMusati otayi holoka molwa iikolitha

2022-08-01  Victoria Kaapanda

Iikoya iikukutu moMusati otayi holoka molwa iikolitha
Top of a Page

Aakalimo oyedhji yomoshitopolwa shaMusati, oya li ya gandja omatompelo gafaathana konima oshifokundaneki shika kwa li sha ningi omapekapeko kwa shi hashi etitha iimbuluma inyanyaleka ngaashi omandhipagathano oshowo iikulumuna yilwe tayi kumitha.

Oshitopolwa shaMusati osha ndhindhilikwa hashi lopotwa iiningwanima yi nyanyalitha, mbyoka hayi longwa kaakalimo yamo.

Sonia Shituku gwomomukunda Onandjamba okwa ti, iiningwanima ohayi holoka ashike unene ngele aantu ye li kohi yiikolitha.

“Pethimbo epangelo kwa li lya tula po oondjindikila dhomaluvu oshowo dhoku enda omausiku, iiningwanima mbyoka okwa li ya shuna pevi nawa,” ta popi ngaaka.

Ta gwedha po kutya, konima ashike sho oondjindikila ndhoka okwa li dha kuthwa po, iimbuluma ngaashi yuulunga wiimuna, omadhengathano osho wo omateyo gomagumbo oya tameke okuya pombanda, oshoka aantu oya manguluka.

Omupolisi gumwe ngoka inaa hala okupopya kendhina okwa ti , okwa ndhindhilike kutya iipotha yomadhengathano oyi igalala moshitopolwa shawo omolwelongitho nayi lyomalovi niingangamithi.

Ta  popi kutya iimbuluma oyindji natango otayi etithwa kaantu mboka inaa ya hala okwi iyutha komilandu nooveta dha tulilwa po kepangelo okuyanda okulongela thana omiyonena.

“Iipotha mbyoka yi igalala, oyomadhengathano ge etithwa kelongitho lyiingangamithi nomalovu, iipotha yeyako, yomateyo gomagumbo nelalakano lyokuyaka, mbyoka oyindji yomuyo hayi longwa kaantu mboka ye na elongelokumwe nookalyamupombo. Omakengelelo, okuya pambambo oveta yomalovu, okukala niingangamithi oshowo okwiikuthila ooveta momake gawo,” ta popi ngaaka.

Malakia Nashongo okwa ti, uupayakandhi wumwe ohauzi mokwaahanambili kwomomagumbo, 

“Iimbuluma yimwe mbyoka otayi etithwa koonkalathano dha nayipala ngaashi okwaa na ombili moondjokana, omagumbo ga teka po osho wo omakwatathano gopaihole ngoka taga hulithwa po,” ta fatulula ngaaka.

Ta ti, oshigwana moshitopolwa shawo osha pumbwa okupewa omalongo nkene shi na okuninga uuna sha iyadha sha taalela omaupyakandhi golundhi ndoka, pe hala lyokulongelathana omiyonena.

“Opolisi oshowo aahungimwenyo oya pumbwa okulonga ya itula mo okukandula po omaupyakandhi golundhi nduka,” ta ti ngaaka.

– vkaapanda@nepc.com.na 


2022-08-01  Victoria Kaapanda

Share on social media
Bottom of a page