New Era Newspaper

New Era Epaper
Icon Collap
...
Home / Iilya ya si ko mutenya 

Iilya ya si ko mutenya 

2021-03-10  Victoria Immanuel

Iilya ya si ko mutenya 

Victoria Kaapanda

Nonando nuumvo aanafalama yomomapya oya li ya longo nuudhiginini omapya gawo, oyendji oya hepitha oonkondo dhawo, sho iilya tayi ende tayi kukuta omolwa omvula itaayi loko.

Aanafalama oya ti, ethimbo ota li ende lya uka komeho ihe omata itaga dhenge pevi. 

Ta ya ti, oya  kala noku fekela  kutya omvula nayi ka loka ngaa komasiku gwo komeho, ihe omasiku oga piti owala inaayi loka.

Maria Kaluwapa gwomomukunda Omuthitu gwonyama okwa ti, oya li ya tokola okulonga nuumvo ihe omvula oya huulile ondjila kati. “Numvo okwa li tuna omukumo kutya otuna okulonga omapya getu, opo tu vule okuka kuthamo natango iilya yokulanditha opo tu vule okwiihupitha moomvula dha landula ko,” Kaluwapa ta ti ngaaka. Ta gwedha po ta ti, oya hepeka iimaliwa ya wo yoku pulula, oshoka iilya paife otayi ende tayi si ko mutenya.

“Otwa longitha N$3000 okuulula epya alihe. Ondjala nuumvo okwa li tushi otweyi thanga omuthi, oshoka okwa li twa tokola okulonga,” ta popi ngaaka.

Tresia Neshuku gwomOshiku shaShipya okwa ti, natango okuna omukumo kutya omvula otayi vulu okuloka.

Ta ti ombinga yimwe yepya lye iilya oya sa po ko mutenya.

“Iilonga yakalunga inene, ethimbo lyomuloka ina li kuka natango. Inandi taala kutya nuumvo okuna ondjala nonando ondi uvite kiitopolwa yimwe kwa ponokelwa kondjala niimuna tayi si,” Nehuku ta ti ngaaka.

Ta ti, omvula ngele oya loko miiwike ta yiya, otashi vulika iilya yimwe yi hupe. 

Neshuku ta ti, opena naatango omagumbo gamwe momukunda gwawo gena iilya ya sa po thilulu komutenya.

Johannes Johannes gwomukunda Elim okwa ti, epya lye inali pululwa nuumvo, oshoka okwa kala ategelela omuloka omuhwepo opo a vule okupulilitha.

“Shika onda kala ndeshi tegelela nale, omvula yotango sho ya loko, okwa li ya hololi thandje. Ka kwa li nda pulila, onda li nda mono kutya otandi hepitha oonkondo dhandje niimaliwa,” ta popi ngaaka.

Johannes okwa ti, onkambadhala oyi vule okumwena, oshike mboka yena iilya ya tsipuka mo nale, itaaya kutha oopaipi ya tekele ngaashi iikunino hayi tekelwa, shi vulithe okwetha iilya tayi si ko mutenya.

“Natu tambuleni ko ayihe Pamba alongekidha, omvula nuumvo ka yi ko,” ta popi ye ta imemeha mo. 


2021-03-10  Victoria Immanuel

Share on social media