New Era Newspaper

New Era Epaper
Icon Collap
...
Home / Iiponga yiihauto ya faalele omwenyo heyali momasiku gaheyali

Iiponga yiihauto ya faalele omwenyo heyali momasiku gaheyali

2023-03-28  Victoria Kaapanda

Iiponga yiihauto ya faalele omwenyo heyali momasiku gaheyali

Iiponga yiihauto okuza oshiwike sha zi ko oya faalele oomwenyo  dho yendji miitopolwa ya yooloka monooli.

Sha ikolela kolopota yopolisi yiiningwanima hayi holoka mehuliloshiwike ya pitithwa komugandji gomauyelele gopolisi moshilongo Kauna Shikwambi, omulumentu gwomimvo dhopokati okwa si eso lyi nyanyaleka sho ohauto kwa li ta hingi yi indhenge omutse nomutse nokaloli okashona. Shoka osha etitha opo ohauto ye yi teme omulilo nokupya po thiluthilu.

Oshiningwanima shoka osha holoka koongulasha dhOsoondaha pokati kOshikuku nOshakati, pomukunda Oshuungu.

Otaku hokololwa kutya nakusa okwa li ta hingi ohauto yoWish (Seven seater) okuza kOshakati omanga ngoka kwa li ta hingi okaloli, kwa li ta zi kOshikuku.

Oohauto ndhoka okwa li dhi idhenge mumwe omutse nomutse. Omuhingi gokaloli naafaalelwa yatatu mboka ya li mokaloli kakwa li ya ehama nando. Nakuhinga okaloli ngoka kee na omukanda gokuhinga okwa li a mangwa po. Moshiningwanima sha faathaana, omunamimvo 49 Natanael Nghiwilepo Willibard okwa si moshiponga shohauto Olyomakaya sho ohahuto kwa li ta hingi yoMercedes Benz kwa li yi idhenge mumwe omutse nomutse nohauto yoToyota 4x4. Oshiningwanima shoka osha holoka popepi nolukanda OB David moshitopolwa shOhangwena. Omulumentu gomimvo 27 nomukiintu gomimvo 24 oshowo ohanona yoomwedhi heyali, ya li mohauto yoToyota 4x4 oya mono iiponga lela, noye li taya mono uuhaku moshipangelo.

Oshiningwanima shimwe natango sha holoka, omulumentu gomimvo 41 okwa si moshiponga shohauto sho ohauto a li ta hingi yoToyota Bakkie yali yemuumbumo sho ya pumwa kobesa. Omukuluntu gopolisi moshitopolwa shaShikoto Teopoline- Kalompo Nashikaku okwa ti, oshiningwanima shoka osha holoka mehuulilo shiwike ookilometa 15 okuza moTsumeb okuya kOtavi. Otaku hokololwa kutya omulumentu ngoka okwali a zi kOndangwa nelalakano lyoku kahila obesa yoIveco ndyoka yali ya tekele pokati koondoolopa ndhoka mbali, Tsumeb nOtavi. Nashikaku ta ti, omulumentu ngoka anuwa sho kwali ta hingi okuza kokamulondo okwali alyata ombiliki nobesa ndyoka tayi nanwa koBakkie ta hingi, oyali yiindhenge moBakkie etayi guko kopate noku galangata, noku muumbamo moBakkie.

Aakwanezimo oya tseyithilwa.

Opolisi moshitopololwa Kavango West oyi li molukongo lwomuntu ngoka a lyata omulumentu gomimvo 27 nokusa Osoondaha, noku matukapo.

Sha ikolela kepeko lyopolisi lyiiningwanima ya holoka mehuulilo shiwike oshiningwanima shoka osha holoka momukunda Dudu, mondjila onene po kati koNkurenkure noRundu. Otaku hokololwa kutya omulumentu ngoka okwali a lyatwa ku walye, no kusa ethimbo olyo tuu ndyoka.

Naku lyata omulumetu ngoka ka kwali a kankama sho a ningi oshiponga shoka.

Nakusa okwa tseyika nedhina Hausiku Joseph Sondaha. Iiningwanima ayihe mbyoka oya holoka mehuulilo shiwike, omanga oshiwike sha ziko sha faalele oomwenyo ndatu dhaanilonga yetanga lyegameno moshitopolwa shaShikoto.

Omugandji gomauyelele muuministeli wegameno Colonel Petrus Shilumbu okwa ti oshingwanima shoka osha holoka lwopotundi 11h00 Etitau, ookilomita oshona okuthika mOshivelo okuza kOmuthiya.

Otaku hokololwa kutya aanilonga mboka okwali taya shuna koWindhoek okuza koshituthi shendhimbuluko netyapulo lyesiku lyemanguluko shoka kwali sha ningilwa kOutapi moshitopolwa shaMusati.

vkaapanda@nepc.com.na

 

Yane yomwaamboka yali mohauto oya ehamekwa unene, omanga yaali yazi mo ya mona uuponga uushona.

Otaku hokololwa kutya oshiponga shoka osha holoka sho ohauto ndyoka yoLandcruser yali ya londo muyo ya topa elola lyokolumoho.

 

Caption: Iiponga yohauto ya faalele omwenyo heyali okuza oshiwike sha ziko

Efano otwe li pewa


2023-03-28  Victoria Kaapanda

Share on social media