WINDHOEK –Iihokolola yi na sha nelongitho lyomashina goEVM mompangulilo ya shiga ko moshilongo oye ya pehulilo, nopmangu yatindi opo omahogololo ga shunwe mo, ashike ehangano lyili le po omahogololo, ina li ethiwa liye inaa li geelwa, nalyo olya pewa li fute iifuta yopaveta.
Ompangu oya tokola kutya omahogololo gopaupresidente goomo2019 itaga shuna mo, ashike iikaha yaECN inayi yela, onkene nafute oshititatu shiifuta yoveta oshoka ina landula oveta ayihe, ngaashi ya tulwa po ngele tashi ya kelongitho lomashina goEVM.
Omupanguli omukuluntu moshilongo Peter Shivute okwa ti omuningi gweindilo [Dr. Panduleni Iitula] ngoka ali a tula mo oshipotha shetalululo noshowo sheindilo lyoku nongonona omahogololo oshoka omashina ngoka ga longithwa pethimbo ndyoka inaga inekelwa okuli mondjila oshoka ominista yiinima yomeendoolopa noshowo uushayi inayi tula ompango ayihe miilonga ashike oya tula mo owal ombinga yimwe yopango.
Onkene ompangu oya pa minista ngoka Peya Mushelenga ethimbo efupi lela sigo 21 Maalitsa ompango ndjoka yi tulwe miilonga na ngele hasho omashina ngoka itaga longithwa we momahogololo ngaka twa taalela nuumvo gookansela noshowo omalelo gwondoolopa.
“Omutumba gwopashigwana ogwali gwapititha ompango tayi ti kutya ngele omashina ngoka EVM otaga longithwa pomahogololo nena nag a longithwe noombapila dhoka tadhi kwa shili paleke kutya omuhogololwa ngoka oye shili a hogololwa komuhogololi,” osho Shivute a fatulula nawa ompango ndjoka aniwa minister ineyi tula miilonga yiihwapo ngaashi shali sha tokolwa kaatoti yooveta.
Ashike shi vute okwa hokolola kutya nonande Dr Fillemon Iitula okuna oshitsa ngele tashiya pelongitho lyomashina ashike okwa ninga epuko oshoka ineshi tula mo miilonga omanga kuna ethimbo lyagwana.
“Onkee molwaashoka inamu shininga pethimbo onkee ngaa nee omahogololo itaga shuna mo ashike epangelo olya ninga epuko sho lya longitha omashina kagena oombapila dhoka tadhi ulike kutya omuhogololwa oye tuu ngoka okwa hololwa shili komuhogololi ngoka. Onkee ECN otaka futa oshititatushoshela shoveta shoka shali shina oku futwa koonakuninga eindilo,” osho Shivute a hokolola ngaaka.
Ashike omundohotola Iitula okwa popi kutya ye okuna esimaneko nompango yoshilongo noshowo ekotampango lyoveta na okwa tambula ko shoka sha tokolwa.
Dr Iitula okwali nokuli a longitha ompito oku kunkulila ayehe mboka yiitaala mokweeta po elunduluko kutya naya tambuleko etokolo lyompangu etaye lisimaneke .
“Onda hala ndi longithe ompito ndjika oku halela omupresidente gwoshilongo Hage geingob omahaleloyambeko sho a vene omahogololo. Na a tusheni mboka twali twa itayela mokweeta po omalundulo simanekeni Geingob oshoka ngashingeyi okuli oye ompresidente gwoshilingo nogwaNamibia,” osho a popi ngaaka.
Okwa hokolola kutya ye okuuvite uunambano sho ompangu ya ulike kutya omashina oga longithwa papuko shoo kagena oombapila na I tashi ka endululwa we komahogololo tagekeya.
Oshipotha shoka shali sha tulwa mo kokuthimbinga mahogololo guupresidente a ithikamena Dr Panduleni mboka yali ya holola omadhilaadhilo gawo etaya yi kompangu kutya oye lwete elongitho lyomashina ngoka ga longitha pomahogololo inali wopola nolya uka oshoka itali ulike oombapila dhaampoka pwa hogololwa kaakwashigwana.
Oyati kutya yo oya hala nduno omashina ngoka ga ze uumbapila mboka hawu ulike uumbangi kutya odho shili ngoka a hogololwa oye tuu a hogololwa ku nakuhogolola .