New Era Newspaper

New Era Epaper
Icon Collap
...
Home / Iiyamakuti mEtosha yi li moshiponga

Iiyamakuti mEtosha yi li moshiponga

2021-01-21  Victoria Kaapanda

Iiyamakuti mEtosha yi li moshiponga

Omukuluntu gwokukondolola mEtosha Namandje Amunime okwa kumagidha oshigwana shi hulithe po okudhipaga iiyamakuti ya gamenwa mEtosha.

“Iiyamakuti ngaashi oompanda, oondjamba oshowo oongaka oonkalamwenyo dhawo odhi li moshiponga oshoka oyo unene hayi dhipagwa omolwongushu yiilyo yawo,” Amunime ta ti ngaaka. Ta ti, nonande ope na egameno lya kwata miiti okukeelela iiyamakuti yi dhipagwe kaashi li paveta, natango oshigwana ohashi kambadhala okulongitha oompito adhihe, okukonda ooveta ndhoka.

“Otwa ndhindhilike kutya aantu mboka haya dhipaga iiyamakuti ya gamenwa, aanafaalama ye li unene moluhepo taya tumwa kaanangeshefa oshowo kaaniilonga aakuluntu yepangelo, yo taya ka futwa,” afatulula  ngaaka.

Amunime okwa popi ta ti, omumvo gwa yi iipotha yi li 68 okwa li ya lopotwa mEtosha, moka mwa kwatelwa edhipago lyoompanda, aantu ya adhika nomayinga goompanda, nayamwe ye na omayinga goondjamba oshowo onyama yiiyamakuti yilwe ya gamenwa.
“Aagameni yiiyamakuti mEtosha omumvo gwa yi oya longa nuudhiginini, oshoka omwaalu gwiipotha ya lopota ogwa shuna pevi, ngele tagu yelekwa niipotha yomimvo dha piti,” Amunime a fatulula.

Ta ti, omumvo gwa yi opwa li pe na elongelokumwe, pokati kaagameni yiiyamakuti, aakwashigwana okupitila kaakaleli yomindhingoloko mEtosha oshowo ekwatathano ewanawawa sigo uuyelele wiipotha mbyoka 68 ya li ya lopotwa.
Iiyamakuti mbyoka okwa li hayi landithwa momahala ngaashi, Otjenova – Omakange, Onamatanga/Uutsathima, Okahao – Oshakati, Amarika/Okakweya, Okangwati – Opuwo, Okonjota/Ruacana, 8 Oshikuku – Omutele, 9 Oshakati – Omutele,10 Omafo – Oshivelo –Etosha, 11 Kamanjab – Omaalala.


2021-01-21  Victoria Kaapanda

Share on social media