WINDHOEK- Omuthaneki gwaNambia, Davido Indongo ota ka ulika iilonga ye yuunkulungu koshiindingili tashi ithanwa ‘Light in the Face of the Impossible’  koshituthi oshitihetatu shoku ulika uunkulungu shedhina Beijing International Art Biennial moChina shoka tashi tameke okuza mo30Aguste sigo 2 Septemba.

Oshituthuwuliko shika, shoka sha kwatela mo uunkulungu wiikundaneki ohashi tala komashongo ganakanena osho wo omaudhigu- ashike ope na oonte dhetimaumbwile.

Ethano limwe ndyoka tali ka ulikwa olyo nkene omashongo nomaudhigu ngoka ga taalelwa kaanasikola Aanamibia, unene tuu kiitopolwa yokuushayi. “Uukadhona otawu kambadhala okudhenga omuthindo gwesimano lyoolamba nuulahite, a itaala kutya kape na ompumbwe yolusheno tayi indike shoka a hala monakuyiwa. “ Indongo ta fatulula ngaaka.

Shika otashi ka kala oshikando shotango ta kutha ombinga momaulikilo gopaigwana, osho wo oshikando shotango okuya koChina.
“Ondi uvite uuntsa nuunambano oku ka ulikila uuyuni kombinga yaNamibia,” ta ti ngaaka.

Oshinyangadhalwa shika otashi ka kala ompito yokuninga omakwathano omawanawa, shi ikwatelela ku Indongo.

“Onda hala okuninga omakwathano omape nayalwe mboka ye li moshimpungu shika shuunkulungu, shoka tashi ka kwathela mokuyambula po ongeshefa opo ndi ka adhe omalalakano gandje,” ta gwedha po.
Ohokwe yuunkulungu oya li ya hwahwamekwa poomvula oonshona sho a tameke sho a li moDawid Bezuidenhout High School moWindhoek. Okwa ka tsikila elongo lye lyopombanda poCollege of the Arts mo2014 a gwedhe ko kuunongo we. Ngashiinggeyi oti ilongele uulongisikola koUniversti yaNmibia.
Indongo okwa li a thigi po Nambia ohela.

Indongo pamwe nomunduluki omukwawo, Fillow Nghipandulwa naye ta ka ulika iilongomwa ye koBeijing otaya yambidhidhwa koNational Arts Council of Namibia.