New Era Newspaper

New Era Epaper
Icon Collap
...
Home / Irimari taka ta lela po mboka ya kondekwa komeya mOkashali nena

Irimari taka ta lela po mboka ya kondekwa komeya mOkashali nena

2020-01-22  Staff Reporter

Irimari taka ta lela po mboka ya kondekwa komeya mOkashali nena
Top of a Page

Victoria Kaapanda

ONGWEDIVA- Ngoloneya gwoshitopolwa shaShana Elia Irimari, okwa tegelelwa a ka  talele po omahala ngoka ga kondekekwa kombinga yimwe komeya, ngashi shali sha popiwa kukansela gwoshikandjohogololo shaKatyali Joseph Mupetami  mokateyipa keli komalungula.

Okatayipa  hoka oka piti mOmaandaha gwoshiwike shika konima ashike sho Mupetami a zi ko ku taalela po ehala ndyoka.

Mupetami okwa ti aanafalama moshikandjohogololo she, oya kondekelwa komeya kombinga yimwe, onkene ohaya ningi onkambadhala opo ye ya yambidhidhe nuusila, omiti naa shihe taya pumbwa oshoka itaya vulu okupita omulonga gomeya.

Kansela okwa ti okwali a kutha olweendo lwowina opo a ka tale nomeho omeya ngoka ga kondekela ko aanafalama, opo a kale eshishi kutya,  omalandulathano geni po taya ka tula po, oshowo a shuwe kutya aashingi yokambawutu oye li mekwatathano lyi li ngiini naayakulwa.

“Omulonga nguka ogwa ya muule unene, go guna oomita dha pita pune. Oshinima shika kashishi elozi nenge ekango, ashike omulonga goyene. Otwa mona omeya gefundja ngoka ga zi kiitopolwa ayihe iyali omusati noShana,” Mupetami a popi ngaaka.

Okwa gwedha po ta ti ekunkililo lye kaanimuna oku tula po elandulathano ewanawa nkene taya kala ta ye ya felele,  shoka ya pumbwa oshowo okuya tala ngele oye li monkalo ombwanawa.
Mupetami okwa ti otaya tsakaneke epangelo momashongo goludhi ngashi nduka. Ta ti epangelo sho ta li ka thika, oya longa nale ashihe ta ya vulu.

Ohaya longitha omatagulukitho okupita omulonga oshowo oku humbata ashihe shoka taya falele aanafalama.

Kansela okwa ti omatagulukitho oye gena ga gwana, shapo ongele taya ya yambidhidhwa niiti yoku undula omeya oshoka ngaashi ngeyi ohaya longitha iipokolo opo okambawutu kaye komeho. Mupetami okwa ti oshikandjohogololo she, osha ilongekidha okukwathela oshigwana mpoka tashi vulu.   


2020-01-22  Staff Reporter

Tags: Oshana
Share on social media
Bottom of a page