New Era Newspaper

New Era Epaper
Icon Collap
...
Home / Johannes ta ti okukala e na oulema itashi imbi ongeshefa yaye i ye komesho

Johannes ta ti okukala e na oulema itashi imbi ongeshefa yaye i ye komesho

2021-06-11  Festus Hamalwa

Johannes ta ti okukala e na oulema itashi imbi ongeshefa yaye i ye komesho
Top of a Page

Festus Hamalwa 

“Ame onda dalwa ndi na oulema wokooko kange kamwe kafya ihaka long osha. Eshi nda dopa Ondodo onhi-10 onda tameka oku kala handi landifa ouleke peefikola. Etameko ka kwali lipu shaashi okwa li nda taalela omashongo ahapu. Ashike ina ndi teke omukumo, onda longa noudinini fiyo ongeshefa ya yambuka po paife”.

Edi oda popiwa kominamido 30, Salom Johannes, pefimbo ali ta hokolola nghee a tameka ongeshefa yaye. Johannes okwa dalwa noulema, e na okooko kamwe kehe na eenghono, ihaka longo sha.

Okwa ti mongeshefa okwa ya mo omudo 2005, onghee mopaife nghaa ota landifa oule weedula 16.

Johannes oha landifa oimati yamaludi a yooloka, ouleke, omatama, eenyanga, ominghaka eemboloto naihapu. Oha landifile peenhele ngaashi eefikola, okapangelo pOngenga, noshoyo momudingonoko waNgenga aushe. “Ohandi ende notuwa yange mwene ei nda pewa kutatekulu eshi apandjelwa. Ohandi shingi ame mwene nonande ndina oulema kokwooko kange kokolulwo,” Johannes ta hokolola.

Okwa hokolola ta ti ota pandula Kalunga shaashi oha dulu oku longa oilonga yaye ngaashi naanaa ovo va shitwa ve na oilyo yolutu yeli xwa po.

“Mongeshafa handi monomo oshimaliwa shoku kwafela ofamili yange ngaashi oku futila undenge vange ofikola nokulanda oikulya meumbo,” Johannes ta ti. 

Okwa hokolola ta ti okwa kala a taalela eshongo eshi ovanhu hava nyeke po oinima yaye shaashi oveshi kutya yee iha dulu oku lotoka ngeenge teva tataa.  

“Ovanhu vakwetu ve na oulema, inava kala a shike vamwena momaumbo. Longifeni ounongo weni opo mu kale mwa eta po sha shipondola. Kongeni omakwafo opo mukale mwatota eengeshefa deni ngaashi naame osho nda ninga,” Johannes ta ti. Johannes okwa ti ongeshefa yaye otai ende nawa neenghono, yee ta ti eshi ohashi mupe omukumo unene tuu ngeenge ovalandi tava euya momwaalu muhapu. Okwa ti okuna ondjodi yo kuninga ofitola yaye yakula yekuma omo ta kala tala ndifile.

“Omutumba iha weetasha, ngeenge ouli monduda wa nangala kape na ou teku etele oikulya ile ofewa. Onghee ovanyasha vakwetu natu kaleni hatu li longele ni vene,” Johannes ta ti.


2021-06-11  Festus Hamalwa

Share on social media
Bottom of a page