Okaana keemwedi 12 oka fya eshi kalika kondje efimbo lokonguloshi meumbo lavo Etitano momukunda Onyamangunda moshitukulwa shaMusati.

Omukonaakoni woimbuluma wopolifi moshitukulwa shaMusati Deputy Commissioner Simaho Moses okwa hokolola ta ti okaana okwa li keli keumbo nainakulu nokonima omukulupe okwa uda ashike ka kwena omuhalu, naashi a ya po puko okwa didilika kutya oka lika kondje nedimo.

Omukulupe okwa lotokela poushiinda opo e ke valombwele veu ye vakwafela okaana shaashi ye ka kwali tadulu oku ungaunga nokaana oyeke.

Konima okaana okwa twalwa kokapangelo kOnesi, ashike vati  inaka fi ko, oka xulifila mondjila popepi nokapangelo.

Lwopokati opo, opolifi oya koleka efyo lokaana keli mondodo yotete ka fya eshi kawila moveva kwali ta ka kendambala okunwa mocanala komeva Etitano.

Opolifi oya ti konima eshi yoshiningwanima, vakwao ova faduka po opo va kalopotela ovakwashiwana vamwe kwali tava koshele oikutu kombinga ikwao yacanala.

Omudimba wokaana owa twalwa kokila yopolifi yaKahao opo u ka ningilwe omakonakono.

Oonakufya ova tongolwa ovo Lukas Nakumba Lukusa womido mbali omukalimo momukunda Omanyangunda naChiete Sarafina Nahango womido heyali.

Omakonakono opolifi otaa twikile kombinga yomafyo ounona aa avail.

– fhamalwa@nepc.com.na