New Era Newspaper

New Era Epaper
Icon Collap
...
Home / Kakukutu komatanga opolifi ta ti oshiwana itashi li ufa komilandu doCovi19

Kakukutu komatanga opolifi ta ti oshiwana itashi li ufa komilandu doCovi19

2021-06-24  Festus Hamalwa

Kakukutu komatanga opolifi ta ti oshiwana itashi li ufa komilandu doCovi19
Top of a Page

Omutwe wopolifi yaNamibia komatanga Lieutenant General Sebastian Ndeitunga ota ti okwa didilikwa oshiwana itashi li ufa komilandu doCovid19 pefimbo eli lomalinyengo ovanhu a ngabekwa moshilongo.

Meenghundafana a ninga naKundana Ndeitunga okwa ti ombelewa yaye keshe efiku ohai mono eelopota dovanhu itave li humbata nawa una ngeenge tava popiwa navo kopolifi. Okwa yelifa ta ti ovanhu onghee nga tava twikile okukala veli meendingosho konima yeevili domalinyengo angambekwa. Okwa ti kwadidilikwa oWindhoek oyo unene ina ovanhu itave li umbata nawa pefimbo lopolifi ngeenge ili moshikonga shoufiku. Onghee okwa ti oshiwana nashi li ufe komalombwelo aa a tulwa po koveta kombinga yomalihumbato a vo pefimbo eli lidjuu lombuto yoCovid19 ili tai dana onghandangala moshilongo.

“Ovanhu vahapu ohava kala a shike veli patela meendingosho va ngudumana vo inava djala oulapi vokomilungu. Oshinima eshi nashi mone exulilo shaashi oshi li sha nyika oshiponga unene, sho vali otashi tandavelifa ombuto ei noupu,” Ndeitunga ta ti. Ndeitunga okwa denga omufindo povanambelewa vo polifi ovo navo va pumbwa oku kala tave li humbata nawa ngeenege tava longo novanhu.

“Opolifi nai kale tai popi novanhu nombili, opolifi nai fimaneke ovakwashiwana. Omunhu keshe okwa pumbwa oku fimanekwa ngaashi ovanhu aveshe. Onghee onda hala opolifi ikale ina elandufano nota i longo payuuki ngeenge ili moshikonga sho kutula po elandulafano. Omunhu ina pumbwa oku kala ta tilwa omalodu komupolifi tuu nande, oshi li shapuka neenghono,” Ndeitunga ta ti.

Kakukutu komatanga ta weda po ta ti eshi nashi mone exulilo shaashi ku keshe ou ite keliumbata nawa ota ka pewa ehandukilo. “Ovakwashiwana nava longele kumwe nopolifi, ina mu tuka opolifi, ina mu lwiifa ovanambelewa vopolifi ngeenge tava popi nanye. Onghee kale ni tamu pwilikine kwaashi ta mu lombwelwa kopolifi,” Ndeitunga ta ti.

“Ngeenge omukwashiwana ina hala okuuda ko eshi ta lombwelwa nena omupolifi naye okuna oufemba wokulongifa eenghono opo aka leke po oveta nelandulafano. 

“Ngeenge omunhu ite li humbata nawa, hano opolifi oina oufemba wokukwata po omunhu ndele ta twalwa kodolongo opo aka pewa ehandukilo lokufuta oshimaliwa,” Ndeitunga ta ti.

Okwa ti omukifi woCovid19 owa nyika oshiponga neenghono, onghee oshiwana nashi li ufe komalombwelo aa atulwa po.


2021-06-24  Festus Hamalwa

Share on social media
Bottom of a page