New Era Newspaper

New Era Epaper
Icon Collap
...
Home / Kanime ke wetike 

Kanime ke wetike 

2022-01-14  Festus Hamalwa

Kanime ke wetike 

Opolifi moshitukulwa shaShikoto otai indile moshiwana kwaau e na ouyelele kombinga yomulumenhu weedula 42 Namulo Sakaria a shivika nawa Kanime a kana omudo wa dja ko muDeseba okudja komukunda Onankali.

Opolifi oya hokolola tai ti Kanime okwe lixulwa okumonika momafiku 19 Deseba 2021 efimbo longula potundi 08h00 eshi a dja meumbo e kwete ondjato yoikutu yaye ashike ina lombwela ovaneumbo kutya ota i peni.

Kanime oku li omupopi welaka lOshiwambo, e na ofika yopokati.

Opolifi oya li okuninga eenghendabala dokukonga Kanime ashike fiyo onena ina monika natango, voo ovakwapata vaye kave shi kutya oku li peni.

Opolifi oya ti Kanime ke na sha ongodi yopeke, yee vali ke na nande oudu wopamadilaadilo.

Opolifi oya hokolola tai ti fiyo opapa kape na ouyelele wa yandjwa moshiwana kutya Kanime oku li peni.

Kukeshe ou e na ouyelele apa pe na Kanime na kwatafane nopolifi keshe i li popepi ile ku dengelwe Constable Angula konomola yongodi 0812020471. Opolifi oya kunghilila oshiwana opo shi kale tashi lopotele opolifi diva ngeenge shi na ovakwapata vavo va kana shaashi okwa didilikwa ovanhu ngeenge va kana hava lopotwa kwa toka.

– fhamalwa@necp.com.na 


2022-01-14  Festus Hamalwa

Share on social media