New Era Newspaper

New Era Epaper
Icon Collap
...
Home / Kaume komukonda …A xulifa eshi a tuwa neembele kukaume kaye

Kaume komukonda …A xulifa eshi a tuwa neembele kukaume kaye

2022-05-23  Festus Hamalwa

Kaume komukonda …A xulifa eshi a tuwa neembele kukaume kaye
Top of a Page

Omulumenhu weedula 32 okwa fya Olomakaya lwopotundi 19h40 eshi a tuwa neembele kukaume kaye kolukanda Otjomuise moWindhoek.

Nakufya okwa tongololwa oye Katjivive Collin omukalimo womOtjomuise.

Omupopiliko wopolifi moshitukulwa shaKhomas Warrant Silas Shipandeni okwa hokolola ta ti Collin okwa li tava nu omalodu nakaume kaye efimbo loufiku meumbo lamushiinda shavo.

Vati okudja opo ova tameka tava tanguna nakaume kaye nokonima omufekelwa okwa kufa ombele yokapi ndele tatu Collin fiyo ta xulifile ponhele opo.

Vati mwene weumbo okwa hanga nale Collin eli mexungu lohonde nokonima okwa lopotela opolifi.

Opolifi oya hokolola tai ti pefimbo eshi ovalumenhu kwa li tava tanguna mwene weumbo okwa kala ta kendabala opo e va mweneke ashike kemanya kudja ondwi eshi va kala ashike tava twikile nokulituka.

Vati konima eshi omufekelwa a twa kaume kaye okwa faduka po ashike opolifi oya kala tai mu kongo fiyo ta kwatwa po ongula yOsoondaxa eshi a hangika a hondama mobashu yaye.

Omufekelwa ota holoka momhangu yaKatutura nena eshi ta pangulilwa oshibofa shedipawo.

Omakonakono opolifi otaa twikile.

– fhamalwa@nepc.com.na


2022-05-23  Festus Hamalwa

Share on social media
Bottom of a page