New Era Newspaper

New Era Epaper
Icon Collap
...
Home / Kinzo naThimbiko ya Pititha oalbuma Iimwaku

Kinzo naThimbiko ya Pititha oalbuma Iimwaku

2018-11-30  Staff Report 2

Kinzo naThimbiko ya Pititha oalbuma Iimwaku

Victoria Kaapanda

OSHAKATI-Onkulungu mokushanga nomokutota Oongaalo dhoDamara Punch, House Music nodhoKwaito Nelumbu Gidion a tseyika nawa  Kinzo opamwe nomudhani gwiinyandwa Matheus Shipushu a tseyika nedhina Thimbiko oya pititha oka oalbuma yedhina Iimwaku.

Kinzo naThimbiko oya li ya tula omadhilaadhilo kumwe opo ya ete po oalbuma  yedhina Iimwaku, ndjoka ya li ya piti omwedhi gwa zi ko.

Iimwaku oku na ehwata lyoongalo 12, ndhoka tadhi ka enditha Desemba nawa. Na kehe ngoka ta ka pwiikina oongalo ndhoka itadhi mu thigi othika.

Kinzo naThimbiko oya kwathelwa okuhika oongalo dhawo kaahiki yi ili noyi ili mboka ya tseyika nawa, ngashi; Exit, Tequila, King Mex , Chika, Nakale yaNakale Boeta Mashaba osho wo D - Kandjafa.

 Aahikingalo mboka ye li yaali oya ti, oya longekidhila aaholi yoongalo dhawo oshindji shi vulithe sho ya kala nokutegelela, oshoka  shoka shi li mooalbuma yIImwaku otashi ka teya naakulupe oshoka oongalo ombwanawa. 
Kinzo okwa li a popi ta ti moalbuma Iimwaku okuholemo ongalo ndjoka ihayi mu thuwitha ye ihapititha po owili, ine yi dhana tayi ti Deleka ‘holeka okakunwa koye” yi li monomola 10. 

Ta ti ongalo ndjoka oku yi hole oshoka otayi pe omukumo kehe gumwe a ilongele kuye mwene, oshoka ngele otaku ti holeka okakunwa koye  hoka wa landa ngoye mwene nena ngele gumwe ke na shoka ta nu  ota zi po a kalonge opo ngula naye oka holoke okakunwa ka.

Ta gwedha po ta ti aalumentu yamwe ohaya kala ashike ya kalela omahala giikunwa ya tegelela aantu mboka taya zimbuka yo taya pula okulandelwa mo yo inaya hala okunyangadhala opo yi ilandele mo, ano Desemba gonuumvo kehe gumwe ota ka holeka okakunwa hoka a landa. 

“Elalakano lyetu lyokupititha oalbuma yetu ethimbo ndjika, sho twa kala noku yi longekidha momukokomoko gomumvo, oshoka kutya oyendji oya li ya ka longa komawushimba ihe kehe omvula Desemba oha ya galuka komagumbo ya etelela shoka ya li ya ka longa, nena otwa hala oku ya ulikila kutya tse sho twa kala monooli otwa kala mo tatu longo wo, niizemo yetu oyo mbika a tu ya taamba ko nayo”. Kinzo naThimbiko taya ti ngaaka.

Ta gwedha po ta ti oalbuma oye yi luka Iimwaku, kokutya aantu yamwe ohaya popi inima itayi tungu yo kayi na omutse na ndungu yo tayi teyagula po oonkalamwenyo dhaantu.

Taya ti oya hala aantu ya kale haya popi oondunge nokwiitulila mo omayele  nga tage ya fala komeho nokwiihumitha komeho, pehala lyokukala taya popi iimwakumwaku.

Mboka haya popi iimwaku mwaku a luhe oonkawenyo dhawo ohadhi kala oohupi no kadhina mpa hadhiyi , oshoka shoka taya popi itashi ya tungu sho kashina iizemo yasha.

Kinzo na Thimbiko oya li ya kumagidha oshigwana ashihe shi longe shi itula mo, oombepo dhokupikwa komalovu nadhi ya ethe unene aanyasha mboka haya kala ashike ya lala  yo ngele kwa toko taya ka yona nokuyaka iinima yaantu.  


2018-11-30  Staff Report 2

Tags: Khomas
Share on social media