New Era Newspaper

New Era Epaper
Icon Collap
...
Home / Maasdorp a tindilwa eifutilomo

Maasdorp a tindilwa eifutilomo

2024-05-03  Victoria Immanuel

Maasdorp a tindilwa eifutilomo

Oshipotha shomufekelwa a dhipaga omukiintu gwomimvo 40 mehuliloshiwike osha undulilwa komasiku 21 Aguste nuumvo.

Wentzel Maasdorp ngoka ta tamanekelwa edhipago nokuyuga anuwa omukiintu a kala naye mekwatathano lyopahole nakusa Angelique Delia Maasdorp, okwa holoka lwotango komeho gomupanguli Olga Mutafela Likando, mompangulilo yopevi yamangestalata koWindhoek Omaandaha.

Omulumentu ngoka okwa kalekwa mondholongo omolwaomakonakono goshipotha ge li petameko.

Otaku hokololwa kutya omulumentu ngoka a ningi esiku ta kongwa okwa mangwa Etiyali sho ta fekelwa e na mo sha medhipago lyomukiintu ngoka.

Hahende gwepangelo Bernadine Bortolini Omaandaha okwa ti Maasdorp ita pewa eyifutilemo mondholongo, omolwuunene woshipotha a taalela, ye kaa vule okwiidhopa mo momakonaakono gopolisi ge li metifa.

Maasdorp okwa mangwa po konima ohauto ya kala tayi kongwa ndjoka yaadhika koRundu, nokwa monika a li ta hingi ohauto ndjoka lwa hugunina.

Oshiningwanima shoka anuwa osha holoka Olyomakaya.

Omukiintu ngoka okwa itsuwa kookuume ke ongula yOsoondaha a adhika a dhingilwa melapi, megumbo moka hazi. 

Omukiintu ngoka anuwa okwa kongwa okuza Olyomakaya.

Otaku hokololwa kutya ohauto ye yo-BMW, ongodhi yo IPhone noTv inayi adhika mo megumbo. 

-vkaapanda@nepc.com.na

 

 


2024-05-03  Victoria Immanuel

Share on social media