Oshipangelo shopawumwene Ongwediva Medipark, natango osha kwathele opolisi mOshana, okulwiitha oshowo okukeelela omukithi gwoCovid-19, sho kwali sha gandja ikeelelitho yongushu yi vule N$80 000, Etine lyoshiwike sha zi ko mOshakati.

Medipark okwa li a gandja ikeelelitho, unima wokomilungu nokomayulu wuli 1000, omanyala 2000 oshowo uukowuna 30.
Omulukuntu gwoshipangelo shoka, Dr. Tshali Ithete okwa ti, ye ota tsikile oku kwathela oshitopolwa shaShana, ngaashi a li eshi ganene sho ali a shayina etso kumwe okulwiitha omukiithi gwoCovid-19.

Aapolisi oya kwathelwa nikeelelitho mbyoka sho kwa li, kwa konekwa kutya otaya vulu okuninga ihakanwa yomukithi nguka, oshoka oye li miilonga oku tula po omalandulathano opo aakwashigwana, yaa kwatwe komukithi ngoka.
Medipark natango oshiwike sha zi ko, okwali a gandja iifudhitho iyali kopshipangelo shaShakati yongushu N$ 800 000.  
Caption : Methano otamu monika Omukuluntu gwoshipangelo shopawumwene Ongwediva Medipark Tshali Iithete ta gandja ikeelelitho yomukithi gwoCovid-19 kopolisi moshitopolwa shaShana, oshowo Ngoloneya gwaShana Elia Irimari.