New Era Newspaper

New Era Epaper
Icon Collap
...
Home / Muinjangue: Ovanhu nava xulife po oku tandavelifa omutoto kombinga yoCovid-19

Muinjangue: Ovanhu nava xulife po oku tandavelifa omutoto kombinga yoCovid-19

2021-07-15  Festus Hamalwa

Muinjangue: Ovanhu nava xulife po oku tandavelifa omutoto kombinga yoCovid-19
Top of a Page

Omupeduminista wouministeli wouhaku nonghalonawa Dr Esther Muinjangue ota ti okwa didilikwa oshiwana tashi tandavelifa ouyelele woipupulu uli kombinga yombuto yoCovid-19.

Meenghundafana a ninga naKundana Muinjangue okwa hokolola ta ti ovanhu vamwe otava pukifa oshiwana neenghono tava yandje ouyelele wa puka kombinga yoCovid-19. Okwa popya ta ti ovanhu nava xulife po okukala tava pukifa oshiwana nomauyelele oipupulu.

Okwa hokolola ta ti ovakulupe ovo unene veli va ninga oihakanwa yokukala tava lombwelwa oipupulu kovanyasha ngeenge tashi ya kouyelele woCovid-19.

“Ovanailonga vouhaku navo otava kunghulilwa opo vaha pukife oshiwana nouyelele wa puka woCovid-19. Kukeshe ou ta ka monika ta yandje ouyelele wa puka moshiwana ota ka pewa ehandukilo lopaveta,” Muinjangue ta ti.

Okwa popya ta ti ovanhu nava kale tava landula ouyelele ou hau yandjwa kendiki yoku yandja omauyelele eli kombinga yoCovid-19, hau yandjwa efiku keshe oku dilila koWindhoek.

“Covid-19 omukifi wanyika oshiponga neenghono onghee otwa pumbwa okukala hatu tukulilafana omayele taa tunga opo ku kelelwe etandavelo lombuto ei. Hano ngeenge ovanhu otava topolafana ehongo nghee omunhu e na oku liufa komilandu doCovid-19, nashi otashi shu nifa omwaalu pedu wonhu tava kwatwa kombuto ei,” Muinjangue ta ti.

Muinjangue okwa denga omufindo ta ti oshiwana nashi twikile nokukala tashi djala oulapi wokomilungu efimbo keshe una tava i mokati kovanhu ile ngeenge tava popi shaashi omukifi ou oha u dulu nokutandavela tashi pitile momhepo.

“Unene tuu ovakulupe vetu ova ninga oiyakanwa yombuto ei, onghee otwa pumbwa okukala tuna oshinakuwanifa sho kukala atu fiile ovakulupe oshisho nokukwashipaleka kutya ovakulupe ova djala oulapi komilungu, vo oveli kosha nokeenyala une ngenge tava i kondje yeumbo ngaashi keependjela,” Muinjangue ta ti.

Okwa weda po ta ti ovanhu ina pumbwa okukala tava i keenhele domangudumano shaashi ota kudilile omukifi woCovid-19.

Onghee hano okwa ti omunhu keshe ne liufe komilandu doCovid-19 shaashi omukifi ouli wa nyika oshiponga neenghono.


2021-07-15  Festus Hamalwa

Share on social media
Bottom of a page