OMUPRESIDENTE gwongundu  yoNamibia Economic Freedom Fighters ngoka eli wo oshilyo shOmutumba gwopashigwana Epafras Mukwiilongo okwa ti, oongeshefa dhAanamibia odha shunithwa monima koongeshefa dhoka dhe ya moNamibia, nodha pitikwa dhi ngeshefe kaadhi na omaindiko gasha.

Ta ti, ethimbo oshilongo opo sha manguluka omahala gwoosalona okwali haga kala nomahwiki gwomaludhi agehe oshowo iiyopalekitho ayihe, nelalakano lyokumona ovenisa uuna taya panda.

Ta gwedha po ta ti, aahondji yiikutu okwali haya kala nuupambo wiiyata, na kehe ngoka ahala okuhondjelwa iikutu yiituthi ya yooloka, oteya ta hogolola moshihondjelo.

“Iinina ayihe mbyoka otayi landithwa kaChiina kondando yo pevi, aaNamibia itaya landitha we ngaashi yali haya landitha ethimbo aakwilongo mboka inaa yeya noongeshefa dhafa dhawo.

Ta  ti, aakwilongo oya hunitha oongehefa dhaaNambia mo nima noonkondo.

Mukwiilongo okwagandja oshi holelwa shaIndia mboka taya landitha okuza ko kaleke ko dollar sigo okiilandithomwa iinine. “Oshike itaaya landitha iinima mbyoka itaayi landithwa nale moshilongo opo tu vule okulanda shoka kaa tuna nale. Aakwiilongo naya gwongalekwe pehala limwe, mpoka taku kala taku landwa ko mahwata, “a popi ngaaka. Ta ti, oongeshefa odhindji ali atumbula ko madhina esiku ndyoka, odha teka po oshoka itadhi landitha we.

Oshigwana otashi tondokele koondando dho pevi nonando iinima kayina ngushu yo lela, opo ya shune ya kalande natango.

Omuhondji Maria Nantana mOshakati okwa ti, ongeshefa ye oya  shuna mo nima noonkondo.

“Aantu nale okwali haya pula oku hondjelwa iikutu yoohango, nenge yiituthi yilwe, ihe paife aantu otaya landa okuza kondje yoshilongo, unene koChiina. Iimaliwa moshilongo kayi mo we,” Nantana ta popi ngaaka. Ta ti, ngele okwahondjo, ngele okwa hondjo esiku ndyoka okwa kwata iikutu uuna ya tuuka.

Nantana okwa ti, monakuyiwa itaku ka kala we iihondjelo oshoka aahondji oyendji otaya ende taya sholola, oshoka ka puna ookasitoma.