New Era Newspaper

New Era Epaper
Icon Collap
...
Home / Muni waShikuku itaka wedela oifuta yomeva

Muni waShikuku itaka wedela oifuta yomeva

2022-06-23  Festus Hamalwa

Muni waShikuku itaka wedela oifuta yomeva

Omupopiliko welelo lodoolopa yaShikuku John Siloiso okwa ti neudo muni ita ka wedela oifuta yomeva yovakalimo vomodoolopa.

Okwa ti elelo lodoolopa yaShikuku ola didilika onghalo yovanhu vahapu ve na oyuuyemo ya shuna pedu omanga ovanhu vamwe ihava longo vali sha etwa konghalo yeliko loshilongo la shuna pedu.

Onghee naashi osha eta opo muni a kale ita wedele oifuta yomeva konima eshi a ninga omapekapeko kombinga youxupilo wovakalimo womodoolopa.

Siloiso okwa ti elalakano oku shakeneka ovakalimo vomodoolopa ondjilakati ava ve na oupyakadi wokufuta omeva opo vaha fute vali oshimaliwa shihapu ngeenge omeva okwa wedelwa.

Okwa lombwela Kundana Etitatu tati omutengenekwafaneko woshiliwa woneudo otau like kutya muni ota dulu okushakena ovakalimo ondjilakati mokufuta omeva.

“Ngeenge omeva ita wedelwa eshi otashi pe ovakalimo omukumo opo va kale ve na ohokwe yokufuta omeva avo pefimbo,” Soloiso ta ti.

Okwa kunghilila oshiwana shomOshikuku opo shi twikile nokukala tashi futu omeva avo pefimbo shaashi ngeenge ou ina futa omeva aye ota ka tetwa ko meemwedi mbali odo omunhu eli meendjo.

Okwa weda po ta ti oshiwana nashi kale tashi talele po eembelewa davo ngeenge she li hanga shi li moupyakadi woku futa omeva opo shi kundafana nghee shi na okuyambididwa.

Onghee okwa ti eembelewa dava odo shiwana opo shi uye okukala tashi pula ouyelele kombinga yodoolopa, omakwafo noshoyo okutopolafana omayelele.

fhmalwa@nepc.com.na


2022-06-23  Festus Hamalwa

Share on social media