New Era Newspaper

New Era Epaper
Icon Collap
...
Home / Muni waWindhoek ota i meengundafana naava tava nyengwa

Muni waWindhoek ota i meengundafana naava tava nyengwa

2021-07-20  Festus Hamalwa

Muni waWindhoek ota i meengundafana naava tava nyengwa

Omupopiliko welelo loCity of Windhoek (CoW) Harold Akwanye ota ti ovakalimo voshilandopangelo nava kale tava ningi omalongekido owina ngeenge veli moupyakadi woku futa omayakulo unene tuu pefimbo.

Meenghundafana a ninga naKundana Akwenye okwa hokolola ta ti muni waWindhoek oku na oshisho novakalimo aveshe, onghee ngeenge omunhu okweli hange e na oupyakadi woku futa omayakulo, kwa manguluka opo a ye keembelewa davo opo ku talike kutya ota kwafelwa ngehelipi. 

Akwanye okwa yelifa ta ti pefimbo eli lombuto yoCovid-19 tai dana onghandangala moshilongo oili ya kuma ovakalimo vahapu vaWindhoek shaashi ovanhu ova kaninfa oilonga yavo. Onghee okwa ti ombelewa yavo oya didilika ovakalimo vahapu vena eendjo da muni shaashi ovanhu ka ve na vali oyuyeemo ya wana. “Mopaife ngaha omwaalu woifuta yomayakulo owa shuna pedu neenghono shaashi ovanhu ihave ya vali momwaalu muhapu ngeenge tava futu omayakulo avo ngaashi shito. Onghee muni waWindhoek naye okwa kumwa konghalo yoCovid-19 shaashi oinima kaili vali ngaashi ya kala shito,” Akwenye ta ti.

Okwa denga omufindo ta ti ku keshe ou a kanifa oilonga yaye ndele oku shi kutya ita dulu vali oku futa omayakulo ile pamwe
okuli meendjo dihapu damuni okwa pumbwa opo a ye keembelewa davo yee a ka kundafane nghee e na oku kala a kwafelwa kombinga yoifuta yaye.

Akwenye okwa weda po vali ta ti ova taalela eshongo linene kombinga yonhele yokupaka ovanhu moWindhoek unene tuu eshi moshilongo muna ombuto yoCovid-19 tai dipaa ovanhu neengho.

“Ohandi kunghulile oshiwana opo shi kaleke po oshilando shetu sha yela nawa shaashi oukoshoki owa fimana keshe komunhu. Natu li ufe ni komilandu doCovid-19 efiku keshe shaashi omukifi ou owa nyika oshiponga neengheno,” Akenye ta ti.


2021-07-20  Festus Hamalwa

Share on social media