New Era Newspaper

New Era Epaper
Icon Collap
...
Home / Muni woshilando shaWindhoek a fudika omidimba  di li 189

Muni woshilando shaWindhoek a fudika omidimba  di li 189

2021-06-23  Festus Hamalwa

Muni woshilando shaWindhoek a fudika omidimba  di li 189
Top of a Page

Onga onghendabala yoku eta po onhele meekila, muni womoshilando shaWindhoek okwa paka omidimba di fike 189 odo kwa li di li mokila yepangelo moshilandopangelo.

Omupopiliko wamuni waWindhoek Lydia Amutenya okwa hokolola ta ti elalakano lokupaka omalutu oonakufya aa eli 189 olo kukwafela ouministeli
wouhaku nonghalonawa opo eekila
di kale dina onhele ya wana oku tula omalutu eshi ovanhu vahapu tava fi koCovid-19.

Amutenya okwa ti ombelewa yavo oya kala nokumona enyenyeto loupyakadi wokila yomoshilandopangelo shaashi
iyadi unene. Onghee muni okwa kufa
etokola opo pake omidimba odo nokukwashipaleka kutya mokila omuna onhele ya wana
unene tuu pefimbo eli nombuto
yoCovid19 tai dipaa ovanuhu
neenghono.

“Otuli mefimbo lidjuu paife lovanhu tava fi unene kombuto ei, keshe efiku oministeli otai shiivifa omwaalu wovanhu uli pombada va fya koCovid, onghee eshi oshi li eshongo lakula keekila domoshilongo ashishe ndele kashishi a shike okila yoWindhoek,” Lydia ta ti.

Amutenya okwa ti muni waWindhoek ota twikile nokukala ta longele kumwe nouministeli wouhaku pefimbo eli lidjuu lombuto yoCovid19 tai dana onghandangala moshilongo.

Okwa yelifa ta ti omidimba dili 180 odounona, omanga omidimba dili 9 odovakulunhu, oda fudikwa pomaendo aPioneers Park. Omidimba edi oda kala efimbo lile unene mokila vati, ngaashi dimwe oda kala mo okudja omudo 2017.

Ouministeli wohauku okwa li wa pitifa olopota tai ti kutya owa taalela eshongo keekile diyadi unene.

Naasho osha eta opo muni waWindhoek a kwafele ouministeli wouhaku a kale a fudika omidimba dimwe po edi da kala mokila efimbo lile.

Okwa denga omufindo ta ti oshiwana nashi li ufe komilandu doCovid-19 shaashi omukifi ou owa nyika oshiponga neenghono.


2021-06-23  Festus Hamalwa

Share on social media
Bottom of a page