OMUTHIYA-Omunamimvo 34 okwa li si konima sho a li a monithwa oshiponga nemanya kumumwayinamati gwoomvula 22 mOlyomakaya, shika osha ningwa anuwa konima yoontamanana. Omufekelwa moshipotha shika oTangeni Phillipus, omunasikola kOnguti Senior Secondary School nokwa mangwa po. Okwa li a holoka mompangu yaMangestrata mOndangwa mEtiyali (ohela) moka a li a tindilwa ombooloha.

“Otaku popiwa kutya nakusa Johannes Indongo Phillipus okwa li a dhengwa nemanya komutse kumumwayina lwopotundi 20h00 molukanda lwEkango Lyakahalani momukunda Oneumba mOniipa. Nakumonithwa oshiponga okwa li a falwa koshipangelo hoka a ka sila,” osho omukwatakanithi gwomakonaakono giimbuluma mOshikoto Naomi Katjiua a ti ngaaka.

Mbaka yaali oya li aamwayinathana noya li haya zi megumbo limwe,” ta gwedha po ngaaka. Aapambele yawo oya tseyithilwa.
.