Opolifi moshitukulwa shaKhomas otai indile moshiwana kwau e na ouyelele kombinga yomukainhu ou vati a kupala shi okaana mondoloma yoimbudi moshipupudilo shopombada sha-IUM moWindhoek. 

Otaku hokololwao kaana kokakadona taku tengenekwa ke na omwedi umwe oke li tuwa Etivali efimbo longula komunafikola oo kwa li aka ekela shi oimbodi mondoloma. 

Omupopiliko wopolifi moshitukulwa shaKhomas Warrant Silas Shipandeni okwa hokolola ta ti fiyo opapa ka pena ouyelele kutya okaana oka kupulwa shi kulyelye shaashi ponhele opo ina pa hangika omunhu. 

Okwa ti ku keshe ou eshi omukainhu kwa li e na okaana ndele keka na vali na kale a lopotela opolifi keshe ili popepi. 

Okwa yelifa ta ti opolifi ita i ka popya edina lomunhu ou taka yandja ouyelele onghee oshiwana otashi kunghililwa opo shi kale sha manguluka okuyandja ouyelele ou. 

Shipandeni okwa ti elalakano opo ina yokaana a kale a kwatwa po diva shaashi okwa longa oshimbuluma. 

Eshi a kwatafana naKundana, omuxungimwenyo mouninsteli woukashike kookanhu Selma Shilongo okwa kunghilila ovakainhu opo va kale tava kwala ounona vavo koipangelo ngeenge tava hepekwa koupyakadi wopamadilaadilo. 

Okwa ti ovakainhu nava ka konge omakwafo koipangelo ile keembelewa douministeli woukashike kookanhu shaashi oku ekelashi okaana ka kushi e kandule po lomukundu. 

Shilongo okwa yelifa ta ti ovakainhu vamwe ohava kala va kwatwa koshinyenu unene tuu ngeenge tate wokaana iha ya yambidida okaana kaye. 

Onghee naashi ohashi eta opo ina yokaana a kale a kwatwa komhepo yokukupula shi okaana kaye shaashi oha kala a lulilwa konghalo. fhamalwa@nepc.com.na