Loide Jason 

WINDHOEK - Omukiintu gwomimvo omilongo 21 ngoka a kala  moshipangelo  shaKatoolika mOshikuku moshitopolwa shaMusati moka e li ta mono epango sho a mono okanona hoka a umbila moshilambo shonyata mokandjugo konima sho e ka mono osho a lalekwa mo moshipangelo nokwa tegelelwa a holoke mompangu oshiwike shika.

Omugundjuka nguka okwa li a patululilwa oshipotha shoku ekelahi okanona, oshiningwanima shika osha ningilwa pomukunda gwedhina Ogongo  moshitopolwa omo tuu moka momaandaha  gwoshiwike sha zi ko potundi 18h00. 

Omukoonakoni gwiimbuluma moshitopolwa shaMusati Deputy Commisioner Moses Simaho okw ati kutya omutamanekwa okwa  kala nokumona uuhaku moshipangelo omo tuu moka nangashingeyi oku li nawa okwa tegelelwa oku holoka mompangu oshiwike shika.
Omukiintu ngoka eshiwike nawa kuKundana ihe ita tumbulwa oshoka ina holoka natango mompangu okwa hokololwa aniwa a ekelehi ohanona  konima ashike sho e yi mono komatango gOmaandaha goshiwike shika.

Omutamanekwa nguka oku li omvalele yomomukunda Okapya  moshikandjohogololo shaGongo.
Okwa hokololwa kutya ohanona ndjika oya itsuwa kuyinakulu sho a uvu okanona taka lili okuzilila mokandjugo.
“Yinakulu oye a mono ohanona ndjoka sho a uvu tayi lili. 

Nokwa li a ka tala e ta ithana ootaliyiho mboka woo ya tseiyithile opolisi,” osho Simaho a hokolola ngaaka.
Simaho okwa hokolola kutya ohanona ndjika oya li ya hilwa mo moshilambo moka  e tayi kuthwa mo nokufalwa koshipangelo nayina hoka ya li ya mono epango.