New Era Newspaper

Tafel3
Icon Collap
...
Home / NAMCASA ota lalakanene okuwapaleke Namibia

NAMCASA ota lalakanene okuwapaleke Namibia

2021-03-23  Festus Hamalwa

NAMCASA ota lalakanene okuwapaleke Namibia
Top of a Page

Ngoloneya woshitukulwa shaShana Elia Irimari okwa tambulako nehafo ehangano lipe opo la totwa ta li lalakanene oukoshoki meedoolopa moNamibia.

Namibia Cleanliness Awareness System Awards (NAMCASA) oshinyangadalwa sha totwa nelalakano okuxwaxwameka oukoshoki moNamibia notashi hongo ovanhu nghee ve na okukaleka po oukoshoki meedolopa davo. Oshivike sha dja ko, ovakomesho voshinyangadalwa eshi ova talela po Oshakati, nova li va ifana ovaleli vodoolopa opo ve va ile ombadwa momalalakano avo. 

“Oukoshoki owo oshinima sha fimana komunhu keshe, oshiwa ngeenge hatu kaleke po odoolopa yetu yaShakati ya yela, ngeenge odoolopa oya yela nawa nena eshi otashi nane ovatalelipo vahapu opo ve uye modoolopa voo va ninge omangeshefelo,” Ilimari ta ti.

Okwa ti ovanhu nava xulife po okukupula oimbodi keshe pamwe modoolopa.Onghee okwa yelifa kutya ovanhu nava topolafane elongo ngheene oukoshoki wa fimana mokati kavo.

Omukomesho wo NAMCASA Natalia Ndangi Shikangala okwa ti ehangano laye ola hala oku fya oshisho opo Namibia a kale e na oilando yayela menenedu laAfrica.

“Ohandi tu omukumo ovakalimo vomashakati ngaashi eefikola, opolifi, ovaleli vomomudingonoko nosho tuu, opo va longele kumwe nokutukulilafana omayele nghee odolopa yaShakati tai kala oyo dingi moukoshoki,” Shikangala ta ti.

Onghee okwa twa ovaleli opo ve litule mo noku amena omiti do u shitwe tashi pitile momukalo wokutwika omiti dihapu opo pu kale pe na eyameno lomiti, yee ta ti oshiwa ngeenge atu amene omidingonoko detu tashi pitile momukalo wokuxulifa po oku teta po omiti.
Shikangala okwa yandja omiti dokutwika dili 35 kelelo laShakati, keefikola, kopilifi, nokoshipangelo shaShakati opo va ka twike omiti do di shiive di vape omudile. 

Kakele ka Ngoloneya woshitukulwa shaShana Elia Ilimari, koshindingili eshi okwali kuna, omunambelewawiliki vandja kombelewa youministeli womidingonoka nomatalele po Rehabeam Erckie, osho yo naMayola wodoolopa yaShakati Leonard Hango.


2021-03-23  Festus Hamalwa

Share on social media
Bottom of a page