Ehangano loku pangela eembautu lomoWalvis Bay ola yandja okila yokomalola modoolopa yaWalvis Bay opo ikale tai longifwa oku tula
omalutu ovanhu ava tava fi kombuto yoCovid-19.  Okila ei oya tambulwako kungoloneya woshitukulwa shaErongo Neville Andre ou a ti okwa pandula unene ehangano eli eshi tali shakeneke epangelo ondjilakati.

Andre okwa hokolola ta ti ombelewa yaye oya kala nokulopotelwa omhumbwe yeekila diyadi unene moshitukulwa shaye, omo mwadidilikwa eekila domoipangelo yomoWalvis Bay odo dihadi unene.

Okwa ti okila ei otai ka longifwa oku tula omalutu ovanhu eli 45, notai kala tai longifwa koipangelo yeepangelo nokoipangelo yopaumwene.

Omukulunhu wouhaku moshitukulwa shaErongo Anna Jonas okwa popya ta
ti okwa pandula unene eshi va pewa
okila ya kula tai dulu okutula omalutu eli 45. 

“Otuli momhumbwe yeekila shaashi eekila domoshitukulwa shetu odihadi unene. Omwaalu ouli pombada neenghono wovanhu tava fi koCovid-19, onghee eshi oshi li eshongo linene shaashi kamusha onhele meekila vali,” Jonas ta ti.

Jonas okwa ti ehangano loNamdock la kufa etokolo lomondjila eshi la yambidida noku yandja okila ei.

Onghee okwa indila opo ovanangeshefa ile omahangano okwao opo a kale taa kwafele oshikondo yoministeli wouhaku pefimbo eli loCovid-19.

Moshipopiwa shaye omunambelewa pitifi Quintan Simon okwa ti ehangano lavo otali twikile noku shakeneke epangelo ondjilakati unene tuu pefimbo eli lidjuu moshilonga muna ombuto yoCovid-19 ya tukuka.