New Era Newspaper

New Era Epaper
Icon Collap
...
Home / Nangombe: Ovanyasha itave liufa komilandu doCovid-19

Nangombe: Ovanyasha itave liufa komilandu doCovid-19

2021-07-01  Festus Hamalwa

Nangombe: Ovanyasha itave liufa komilandu doCovid-19
Top of a Page

Festus Hamalwa 

Omukulunhuwiliki mouminsteli wouhaku Ben Nangombe ota ti ovanyasha vahapu ova didilikwa itave li ufa komilandu edi da tulwa po doCovid-19.

Meenghundafana a ninga naKundana Nangombe okwa hokolola ta ti ovanyasha ovo unene tava tandavelifa ombuto yoCovid-19 shaashi itave li ufa komalombwelo ombuto ei. Okwa yelifa ta ti ovanyasha ove hole okukala veli peenhele dokulandifa omalodu va ngudumana neenghono, vo ina va djala oulapi vokomilungu.

“Ovakulunhu vahapu momaumbo ihava dimo unene nga ovakulupe ove li a shike momaumbo efimbo keshe. Onghee paife okwa didilikwa ovanyasha ovo hava i va ka kongolola omukifi ndele tava e tele ovakulunhu komaumbo shaashi ove hole okukala veli momangudumano aa ina fimana,” Nangombe ta ti.

Nangombe okwa ti keshe efiku oministeli yavo oha i ya kula omanyenyeto kombinga yovanyasha hava kala veli patella meendingosho vangudumana.

“Ovanhu ove na okukala vahapu tava kwatwa kombuto yoCovid-19 shaashi oshiwana itashi li ufa komilandu. Mopaife ngaha oipangelo oihadi unene shaashi omwaalu ouhapu wovanhu tava kwatwa kombuto ei, onghee otwa pumbwa okukala ita li ufa komalombwelo aa atulwa po opo a shike tu kale tuna omito i shona yokukwatwa kombuto,” Nangombe ta ti.

Okwa denga omufindo ta ti mopaife ngaha neekila odihadi neenghono shaashi keshe efiku omwaalu owa londa pombada vovanhu a va tava fi kombuto.

“Onghee ovanyasha nava xulife po omukalo okukala ina va hala okulombwelwa shaashi omukifi ou owa nyika oshiponga neenghono. Ngeenge ovanhu itave li ufa komilandu nena hano nomwaalu vovanhu tava kwa twa ouna okuya pombada efiku nefiku,” Nangombe ta ti.

Okwa ti Namibia oshilongo shishona neenghono, shina omwaalu u shona wovanhu, onghee sha fimana ngeenge ovanhu tave li ufa komilandu opo ku kelelwe omafyo ahapu.

“Okwa didilikwa yoo vali omapako aa kala ehadi neenghono, unene tuu omapako okonooli oha kala ehadi nayi. Osho shili sha nyika oshiponga neenghono unene tuu kovakulupe vetu,” Nangombe ta ti.

Nangombe okwa ti epangelo ole li longekida okukala lalwifa ombuto ei nokukwashipaleka kutya oshiwana oshi li meameno. Onghee okwa kunghulila oshiwana opo shi twikile noku li ufa komilandu doCovid-19, yee ta ti ovanhu nava kale nokulitwimikila.


2021-07-01  Festus Hamalwa

Share on social media
Bottom of a page