New Era Newspaper

MTC Shares
Icon Collap
...
Home / Ndilimani a yambidhidha oshikunino niitungitho

Ndilimani a yambidhidha oshikunino niitungitho

2021-09-08  Nuusita Ashipala

Ndilimani a yambidhidha oshikunino niitungitho
Top of a Page

Ehangano lyomafumbiko Ndilimani olya li lya kwathele osikola yoshikunino, Onemezilo pomukunda Oshikushomunghete niitungitho yongushu yo N$4800 opo yi manithe osikola ndyoka ya li ya tungwa ondjilakati.

Osikola oyili moshikandjohogololo shaShikuku.

Osikola oyali ya tungwa kaanamukunda ashike kayali ya gwanitha oshimaliwa.

Sigo oompaka aakwashigwana oyali owala ya pondola okuthikameka etungo nokutulako iipeleki osho wo okutulamo okakende okashona hoka itaaga gandya ombepo ya gwana kaalongwa pethimbo lyootundi.

Iitungitho mbyoka ya gandywa ku Ndilimani otayi ka kwatha mokumana nokuthikitha wo eetungo pomuthika gosikola ngaashi oonkwawo.

Konima yomagano ngano, osikola oya tegelelwa yi ka tulwe omweelo, ekende enene opo uunona wu mone ombepo ya gwana, oshowo pevi pukolongwe opo uunona kaawu kale montsi ngaashi wuli mo ngaashingeyi.

Kansela gwaShikuku Mathew Gabriel petaambo lyiitungitho okwali a gandya omapandulo gashewa kehangano lya Ndilimani shi ye na oshigwana komutima.

“Na tu panduleni ehangano lyoNdilimani sho lyetu pe omagano gethike mpaka,” ta ti ngaaka.

Kansela okwa tsikile ta ti ehumo komeho oshowo onkalamwenyo ombwaanawa yuunona ohayi ziilile melongo nokwa kunkilile aalongwa yiitulemo opo ya adhe shoka taya lalakanene.

Ota ti etungo ndino olya simana noonkondo oshoka otamu ka longelwa noku putudhilwa uunona gwomapipi ogendyi komeho.

Okwiindile oshigwana opo shi takamithe etungo opo li wape woo okulongithwa komapipi ta ge ya.

Okwiindile woo aavali pomudhingoloko ya tume uunona kosikola.

“Otandi indile mu longele kumwe ne mu tume woo uunona kosikola oshoka elongo olyo shali,” ta ti ngaaka,

Okwiindile woo aanangeshefa yalwe moshikandjohogololo ya landule moompadhi dha Ndilimani mokuyambidhidha oshigwana.

“Halwo lwotango Ndilimani ta kwathele oshigwana, ohiiyamba poompito odhindyi notatu indile wo aanangeshefa yalwe nayo ya kutheko oshiholelwa,” ta ti ngaaka.

nashipala@nepc.com.na


2021-09-08  Nuusita Ashipala

Share on social media
Bottom of a page