Ehangano lovanhu vena oulema loNational Federation of People in Namibia ola hoolola oilyowiki i pe ili vahetatu.

Oilyowiliki ya hololwa omunashipundi Matheus Hashoongo, omupedu nashipundi Viviane De Koe, hamushanga Orben Muluti, nomutuvikili woiniwe Selina Lista.

Oilyowilike yimwe oGabriel Shikwaya, Hendrina Shilimela, Silas Paulus naSylvia Chidunk.

Oilyo ei oya u li kwa petameko lomwedi Sepetemba, notava ka longa oule weedula nhee.

Hashoongo okwa u li kwa opo a ninge omuwiliki wovanhu vena oulema ye a kwashilipaleke kutya navo ova talikako va fimana moshiwana.

Meenghundafana a ninga naKundana Hashoongo okwa popya ta ti ota ka longa nelitulemo opo a kale ta kwafele ovanhu aveshe vena oulema moshilongo.

 “Okwa didilikwa ovanhu vena oulema hava ningilwa omahepeko momaumbo unene tuu ovanhu ava hava di komikunda ovo vamwe hava kala tava hepekwa neenghono. Onghee ame onga nda hoololwa ndi ninge omunashipundi wovanhu vena oulema ohandi ka longa noudinini opo ndi kale da xulifa po onghalo yokuningila ovanhu vena oulema omahepeko,” Hashoongo ta ti.

Hashoongo okwa ti ehangano eli eli totwa nelalakano opo li kale tali kwafele ovannhu vena oulema moshilongo ashishe, nokukwashipaleka kutya ovanhu vena oulema ovena ombili yokomwenyo.

“Ohandi kwashipaleke kutya epangelo otali ka yambidida ovanhu aveshe vena oulema, onghee ina ndi hala moNamibia mu kale muna omunhu ena oulema ndele iha mono oshimaliwa shopendjela,” Hashoongo ta ti.

Okwa denga omufindo ta ti ovanhu vena oulema na vo ova fimana ashike ngaashi ovanhu aveshe moshilongo, onghee okwa ti ovanhu vena oulema na va fimanekwe peenhele domayakulo ngaashi keembanga, koipangelo, nokeefitola.

Okwa indila ovadali vena ounona vena oulema opo va kale tava kwatafana nombelewa yavo opo ehangano li kale tali ningi omapekapeko kombinga nghee ounona vena okukala va kwafelwa.

“Natu fimaneke oufemba womunhu keshe moNamibia, fyee natu xulife po onghalo yokukala a tu tongola ovanhu shaashi vena oulema,” Hashoongo ta ti.

– fhamalwa@nepc.com.na