New Era Newspaper

New Era Epaper
Icon Collap
...
Home / Nghaamwa onghee ta yambidida ehongo

Nghaamwa onghee ta yambidida ehongo

2021-02-15  Staff Reporter

Nghaamwa onghee ta yambidida ehongo

Festus Hamalwa

Osekundefikola Omungwelume ili moshitukulwa shaHangwena oyo imwe yomefikola da yambididwa kungonoleya mukulu waHangwena Usko Nghaamwa opo ofikola i mone omuhandjo wofikola oo uli paife po kupwa oku longa.
Omufimanekwa Nghaamwa okwa yadja eesamende dili 50400 ndili po ngushu yo shimaliwa shoN$195 000 sha dja modjato yaye mwene. Eesamende otadi ka longifwa oku tunga osaala ya kula yokulila ovanafikola.

Ota ti kutya ehongo lokaana Okanamibia olo oshinima shafimana no shili oshinakuwanifa shaye shotete. Onghee okwa ti ota twikile nokukwafa eefikola edi dili momhumbwe, da kwatela mo ofikola yaNdobe oyo nayo imwe yomeefikola edi da pumbwa omuhandjo wounona.
Nghaamwa ta yelifa kutya ovanafikola ovapumbwa ku kala veli momihandjo opo va kale tave lilongo nawa nokweeta po oindjemo iwa kexulilo lomudo.

“Oshilongo osha pumbwa eendokotola novapangeli no shoyo ovanashilonga vayooloka onghee fyee ongaa ovaleli natu yambidideni eefikola edi tadi pumbwa omakwafo, ngaashi omaambo, eengulufikola nosho tuu,” Nghaamwa ta ti.
Ota hokolola kutya okuna ovanafikola ve hapu veli koipupudilo yopombada ovo ha futile ofikola, ta ti vamwe ova mana nale elihongo lavo va ninga eendokotola. Nghaamwa okwa twa ovanafikola omukumo opo ova longe noudinini vashive oku pita noitwa yopombada nokukala vena elalakano mwaashi tava ningi. Okwati kapena omango tai ti okaana ngeenge kakena oshimalwa sho ku futa ofikola naka tewemo mofikola. 
Kovadali ngonoleya okwa ti nava shakeneke epangelo ondjila kati opo va kale tava nyangadala no kuninga oungeshefa vavo vashona voo vashive oku mona okamaliwa koku futile ounona ofikola. 

Okwanghulila ovadali vakale vena oshinakuwanifa sho ku tonatela ounona vavo ngeenge ta shiya po i longa yofikola, onghee ota ti ovadali na va kale veshi efimano lehongo.

Xuninwa omufinekwa okwa ti ovalongi vo mosekundofikola Omungwelumwe nava longe nelitulemo opo ofikola ikale ina omwaalu wanafikola va pita veli pombada, nokwa ti okuna itimombwile kutya ofikola yOmungwelume ota i ka eta oidjemo iwa pexulilo lodula.
Kosekundefikola yaMungwelume okwa li yoo kuna omupedu wiliki welongo omufinekwa Palisha Ngulu moshitukulwa shaHangwena okwa holola olupandu eshi ta ti kutya oshilonga sha longwa ku mufimanekwa Nghaamwa oshinene nenghono.

Kamushela woshikamdjohololo Ongenga Mathew Ndinoiti Shikongo naye okwa pandula kehambidido enene eli omufimanekwa a yadja kofikola. Shikongo okwa popya na ye kutya ota yandje eshaamende ndili o 40 opo di longifwe oku tunga ekulo lofikola.


2021-02-15  Staff Reporter

Share on social media