Omumbiisofi mupe Dr Gideon Niitenge a hololwa neudo momafiku 17 Anguste okwa nangekwa moshilonga mbiisofiwiliki shaye mexuliloshivike momafiku 12 omwedi ou keongalo Onakayale moshitukulwa shaMusati.
Niitenge ota kala ta wilike onga omumbiisofi fiyo omomudo 2024 eshi ongeleki yaElcin tai ka holola vali omumbiisofi mu pe ngeenge oshikako shaye she ya pexulilo.
Ota kala ta wilikike koshikandjongeleki shaElcin shokouninginino ngashi naana a hololwa koilyongeleki yaElcin komutumba wali mOngwediva.
Moshipopiwa shaye ngolonaye woshitukulwa shaMusati Erginus Endjala okwa pandula omumbiisofi Dr Niitenge eshi a findana okukala a ninga omumbiisofiwiliki mu pe woshikandjongeleki shokouninginino.
Endjala okwa ti omuleli omuwa omunhu ou e na oukwatya muwa, yee okuna ova pukululi vawa tave mupe omayele opo a twikile okulela oshiwana shakalunga nombili.
Okwa ti otai indile oshiwana shi tule omumbiisofiwiliki mu pe momailikano, sho shi kale tashi ka talela po ombiisofi opo a longe noudinini moshilonga eli nekelelwa.
Pefimbo ta nangeke omumbiisofiwiliki mu pe, omumbiisofi eli moshipundi shopendjela Dr Shekutaamba VV Nambala okwa ti ota halele ombiisofiwiliki mu pe Dr Niitenge omukumo neenghono dokukala ta longo nondjungu moshilonga shaye eshi linekelelwa.
Nambala okwa ti ota hala ongeleki yaElcin i kale ina ombili nokukala tai ya kula oshiwana nawa keengeleka.