New Era Newspaper

New Era Epaper
Icon Collap
...
Home / Ofuto yootakisi tayi gwedhelwa yi ninge N$15

Ofuto yootakisi tayi gwedhelwa yi ninge N$15

2022-07-06  Victoria Kaapanda

Ofuto yootakisi tayi gwedhelwa yi ninge N$15

Omolwonkalo yomahooli ndjoka tayi londo yu uka pombanda, oshikondo shuutekisa nuumbesa nasho osha tokola okugwedhela ondando yotaxi. 

Amushanga gwehangano lyoobetsa nuutakisi lyoNamibia Bus and Taxis Association (NABTA) Pendapala Nakathingo okwa ti, uutekisi otau ka gwedhelwa noN$2. Ta ti onkalo ndjoka yomahooli taga gwedhelwa oya eta uupyakandhi, noyo tayi thiminike oshimaliwa shootakisi shi gwedhelwe.

“Oshigwana kashi na iimaliwa, sho osho shoka twa tokola ootakisi dhi kale dhi na N$15, omanga okastoma yi kale yi na N$11, shi kale sha yelekana koombinga adhihe dhaafaalelwa oshowo aahingitekisi,” ta fatulula ngaaka.

Ta gwedha po kutya osha ikolelela kaahingi takisi, opo shinima shoka shiye miilonga. Ya kale yiishangitha ayehe opo ya vule okufutwa oshimaliwa shoka.

“Inatu hala ahingi taya hingi kaashili pa veta” ta fatulula ngaaka.

Nakathingo okwa popi kutya ngele onkalo ndjika otayi tsikile okuyaga kesipa, natango otayaka tsikila okuninga omayindilo go magwendhelo gofuto dhootaxisi noobesa.

Ta ti, nonando oye li natango metifa lyoku kundathana kombinga yamboka haya hingi oondjila oonde, kombinga yoofuto, ofuto ndjoka hayi futwa paife itayi lunduluka manga.

Omuhingi go takisi Samuel Shilongo okwa ti, omahooli oga ninga uupyakandhi uunene miilonga yawo.

 

“Aafalelwa ka yuuviteko kutya otu li mo pate ta tu kongo oshimaliwa sho kutu hupitha, aluhe oyena po ashike N$10, ya ndhimbwa kutya oye li mohauto hayi nu omahooli,” ta nyenyeta ngaaka.

Ta ti, pamwe ngele ya ningi N$15 taya kala taya ti oyena po N$13. 

Paulus Nathanael okwa ti, oyafa  ashike haya longele omahooli. 

‘’Sha ashike nda ndhingoloka ko lutatu, omahooli gandje oga pwa mo nale. Ya kwetu po mahooli mpoka napu talike nawa kepangelo,” ta po pi ngaaka.

Ondando yomahooli gopetolola oya londo pombanda nena, nongaashingeyi otayi kala tayi koho N$22.28 molita  omanga yodisela tayi londo N$22.77 molitela yimwe.

Uuministeli woomina noonkondo  owa tseyitha kutya iiyeti mbyoka ya thiminike opo omahooli ga gwedhelwe oyo epulo lyomahooli muuyuni kaalongithi yago.

“Omahooli ohaga lunduluka kehe omwedhi, sha ikolela komayalulo, kutya otaga yi pevi nenge otaga yi pombanda,’’ ta ti ngaaka.

Uuministeli wiikwamina noonkondo oomwedhi mbali dha piti owa li  wa fatulula kutya oondando dhomahooli odha londa molwaashoka oondando dhomahooli inaga dhindwa nandho odha londo.

Owa popi momushangwa kutya oshigwana nashi kale sha ngungumana nonando oondando dhomahooli tadhi tsikile okulunduluka.

Omahooli oga kala taga lunduluka omwedhi kehe okuza petameke lyomumvo nguka. – vkaapanda@nepc.com.na


2022-07-06  Victoria Kaapanda

Share on social media