New Era Newspaper

MTC Shares
Icon Collap
...
Home / Ohamba Shuumbwa ya kwafela Oshipangelo shaNandjokwe

Ohamba Shuumbwa ya kwafela Oshipangelo shaNandjokwe

2021-07-26  Festus Hamalwa

Ohamba Shuumbwa ya kwafela Oshipangelo shaNandjokwe
Top of a Page

Ohamba yaNdonga Fillemon Shuumbwa pamwe nelelo laye ova yandja omashina eli 20 koshipangelo shaNandjokwe Etitatu keumbo lohamba lili mOnambango, moshikutulwa shaShikoto.

Shuumbwa okwa ti elelo lOndonga nalo oli na oshisho nOvanamibia aveshe pefimbo eli lidjuu lombuto yoCovid-19 tai dana onghandangala moshilongo. Shuumbwa okwa yelifa ta ti otava lalakanene oku shakeneka epangelo ondjilakati ngaashi naana va yambidida ouministeli wouhaku eshi va yandja oikwafifo yoCovid-19 yomashina oku fudifa kovanhu ava va kwatwa kombuto ei.

“Eshi ka shishi oshikando shotete elelo laNdonga tali yambidida oshipangelo shaNandjokwe shaashi ohamba yo tete yovandonga nayo oya kala noku kwafelela oshipangelo shaNandjokwe pefimbo eshi oshipangelo shina ovanaudu tava vele oshidu shamalalia kwali. Onhele apa pe na oshipangelo shaNandjokwe okwa li ya yandjwa kohamba yotete yovandonga, onghee name ohandi twikile okukala ndili meemadi dehamba dotete opo ndi kale handi yambidida oshipangelo shaNandjokwe ngaashi sha kala ha shi ningwa shito keehamba dotete,” Shuumbwa ta ti.

Omashina oku fudifa aa a pewa oshipangelo oku li pongushu yoshomaliwa N$360 000.

Shuumbwa okwa ti okwa pandula omukulunhuwiliki woshipangelo shaNandjokwe eshi a kala ta longo noudinini nokukale ka po oshipangelo shi li melandulafano liwa.

Omashina oku fudifa okwa li atambulwa ko komukulunhuwiliki woshipangelo shaNandjokwe Dr Akutu Munyika apopya ta ti okwa pandula unene elelo lovandonga eshi lina oshisho noshiwana, naashi tali lalakanene oku yambidida oshikondo shouhaku.

Munyika okwa popya ta ti omashina aa ota ka longifwa oku kwafelwa ovanhu aveshe va kwatwa kombuto ei, opo eemwenyo davo di kale daxupifwa.

“Natango otwa pumbwa oikwafifo ihapu yoCovid-19 onghee kukeshe ou e na ehalo oku yambidida oshipangelo shaNandjokwe okwa tambulwako opo e tu kwafele,” Munyika ta ti.


2021-07-26  Festus Hamalwa

Share on social media
Bottom of a page