Lasarus Hakwaake

Ngoloneya woshitukulwa Ohangwena Walde Ndevashiya moshipopiwa shaye eshi a popifa okamushela noshiwana okwa popya kutya oshitukulwa osha xuma komesho moimbuluma nominyonena tadi ningilwa oshiwana.

Ngoloneya okwa popya kutya nonande ouministeli weameno tau nangala ondangala opo u kwashilipaleke eameno oikoya yominyonena i fike po 4038 oya didilikwa momudo 2019/20. Eshi otashi ti kutya modula oyo aike omwa didilikwa oikoya yomakwatonghonga ili 161 shi dule oikoya yomakwatonghonga 134 ya didilikwa odula ya djako, eshi otashi ti kutya omakwatonghonga okwaya pombada ne 20% osho ngoloneya ati.
Ndevashiya okwa kufila ko oshiwana kutya oibofa yomahepekafano oya lopotwa i fike 1321 ya ya pombada ne 7% okudja 1238 odula ya djako. Omahepekafano omomaumbo oku li poikoya 65, ya shuna pedu ne 4% okudja poikoya 68 odula ya djako, omanga okoya yomadipaafano ya shuna pedu ne 35% okudja poikoya 37 noku uya poikoya 24 odula ei.   

Ngoloney okwa popya kutya oshitukulwa osha didilika unene oimbuluma yoku  ehameka noku nyenyepeka olutu, oku vaka, oku kwata onghonga, oumbudi woihauto noku teya oshoyo oku vaka omaumbo.
Nonande pena omafindano oo a hangwa moku shunifa pedu oikoya yomadipaafano oshoyo omahepekafano omomaumbo, Walde okwa popya yo kutya ohangwena oya talelwa unene komashongo omumbwe yoilonga movanyasha, oCOVID-19 oyo ya denga unene onghalo yeliko oshoyo omutengenekwafaneko woutama ou hau pewa oshitukulwa.