Opolisi moshitopolwa shaMusati oyi li molukongo lwomukiintu ngoka a ekelehi ohanona yoomwendhi mbali.
Sha ikolela komugandji gwomauyelele gwopolisi moshitopolwa shaMusati Warrant Officer Anna Kunga, oshiningwanima shika osha holoka oshiwike sha zi ko.
“Ohanona yoomwedhi mbali oya adhika moshana, momukunda gumwe gu li popepi nOnampira, ya mangelwa mokasaali okatokele, nokakalanyana okabulau,” Kunga ta hokolola ngaaka.
Ta ti okanona oke li miikaha yaapangi moshipangelo shaShikuku, ihe oke li monkalo ombwaanawa.
Ta hokola ta ti, okanona oka li ka monika komuntu ngoka a li ende po nokudhengela opolisi meendelelo.
Kunga ta ti, ohanona ndjoka kakwa li ya adhika yi na uupyakandhi nando owasha.
“Otatu indile moshigwana kehe ngoka e na uuyelele kombinga yomukiintu ngoka a longo iilonga yoludhi ndoka, opo a lopotele opolisi yi li popepi naye nenge Inspector Hendrina Nanghama konomola 081 631 3090,” taya indila ngaaka.
Opolisi oya indile oshigwana shi hulithepo iiningwanima yolundhi ndoka.
Tayi ti, aakiintu mboka inaaya hala uunona naya kale taya thigi aanona mo mahala ga gamenwa, ngaashi iipangelo nenge momagumbo gaakwanezimo.
Moshiningwanima inaashifathana omukiintu gwomimvo 20, anuwa okwakwatwa koonkondo sho anuwa a li adhika mondunda yakuume ke komiihole. Kuuyelele wa gandja komugandji gwomauyelele moshitopolwa shaShana Thomas Aiyambo okwa ti oshiningwanima osha holoka Etitano momukunda Okaandje.
Otaku hokololwa kutya omukiintu ngoka okwa li ta tyaatyele ongodhi, omanga omuholike gwe e li kuukamba.
Ta ti, okwali a mono a ponokelwa nokuhulwa iikutu, omanga mondunda mwadhima.
Omulumentu ngoka anuwa okwali a matuka po sho e mu landula okwa li a mono kutya ke shi kuume ke komiihole.
– vkaapanda@nepc.com.na