New Era Newspaper

New Era Epaper
Icon Collap
...
Home / Ohauto yepangelo ya yakwa noku ukithwa moAngola

Ohauto yepangelo ya yakwa noku ukithwa moAngola

2022-09-13  Victoria Kaapanda

Ohauto yepangelo ya yakwa noku ukithwa moAngola

Ohauto yepangelo ndjoka anuwa ya yakwa po Osoondaha, opolisi otayi ti otayi dhumwa ya pitithwa oongamba yu ukithwa moAngola. 

Omugandji gomauyelele moshitopolwa shaShana Thomas Aiyambo okwa ti, ohauto ndjoka yokuuministeli woohi yiikoto iyali yo-GD6, oya li ya yugwa omuniilonga mOsoondaha lwopotundi 02h00 kOshinyandhila no2, moshitopolwa shaShana.

Otaku hokololwa kutya omukiintu ngoka ngashiingeyi ta mono uuhaku moshipangelo shaShakati, okwa li a ponokelwa kaafuthi yaali pethimbo kwa li a thiki pegumbo.

Aiyambo ta ti, aafuthi mboka otaku tengenekwa kwa li ya kala ye mu tegamena nale.

Otaku hokololwa kutya okwa li ya ponokele omukiintu ngoka pethimbo kwa li a zi mohauto, sho kwa li taka egulula omuyelo goohauto, a pite aye meni. Ta ti, okwa li ye mu thingonona noku mu kutha ooshapi dhohauto nokuhinga po ohauto.

Ta gwedhapo ta ti, uuministeli owa yelitha kutya omuniilonga okwa li a pewa epitikilo okuya nohauto kegumbo.

Ayambo ta ti, oye li metifa okutothamo ohauto ndyoka kutya oyi li peni lela moAngola.

Omakononakono gopolisi oge li metifa.

Oshiningwanima inaashifathaana, omukulupe gwomukiintu gwomimvo 63 okwa yugwa oshimaliwa shi thike N$57 000 mehuliloshiwike.

Opolisi oya ti oshiningwanima osha holoka pOmwandi, mOndangwa.

Otaku hokololwa kutya omukulupe ngoka okwa li ayi koshipangelo kOnandjokwe, etaka pita pombaanga mpoka a li anana oshimaliwa shoka.

Tayi ti, sho kwa li ashune kegumbo, pethimbo kwa li ta egulula omweelo goohauto okwa li a ponokelwa kaalumentu yane, mboka kwa li yemuyugu oshimaliwa shoka oshowo ongondhi ye yo peke. Opolisi oya ti, oya kala noku longa oshigwana okayimbilo kutya, inashi enda we niimaliwa yiithike mpoka koomuma, oshanika oshiponga.

Tayi kumagidha kutya iimaliwa oyindji nayi kale hayi nanwa nenge tayi mbaangwa omanga pena aakeleli yomaliko nenge aapolisi.

Aafuthi otaya nyenyetwa oshilongo ashihe.

vkaapanda@nepc.com.na


2022-09-13  Victoria Kaapanda

Share on social media