Opolifi moshitukulwa shaShikoto oya patulula oshibofa omo omulumenhu womido inadi shivika vati a kala oule weedula nhee ta kwata okatekulu keenghono.

Okwa hokololwa okakadona keedula 16 komukunda Omakunde ka kala nokukwatwa onghonga kuxekulu okudja omudo 2015 fiyo 2019. Omufekelwa ina kwatwa po natango shaashi opolifi oye lipyakidila nokuninga omakonakono moshibofa shekwatwanghonga eshi.

Nakuninga oshihakanwa vati okwa hokololela opolifi ta ti okwa kala nokukwatwa onghonga loikando ya yooloka.

Omupopiliko wopolifi omupedu Commissioner Kauna Shikwambi okwa hokolola ta ti oshikando shaxuuninwa okaana okwa li ka fiwa meumbo naxekulu pefimbo eshi ina kwa li a ka talela po.

Vati okudja opo omufekelwa okwa lombwela okatekulu opo ke uye va ka nangale nako konduda yaye.

Vati omufekelwa okwa tameka okulongela okatekulu oushada wopaixulo eshi a nangala nako.

Opolifi oya hokolola tai ti okaana vati oka kala ka tila okulopota oshikumungu eshi kutya xekulu oha nangala nako shaashi vati okwa li ke na oumbada kutya pamwe omufekelwa ote ka ehemeke.

Neudo vati ina yokaana okwa kala a limbililwa komalihumbato okaana kaye nokonima okaana oka lombwela ina kutya otaka hepekwa koupyakadi wopamadilaadilo eshi haka kwatwa onghonga kuxekulu.

Okudja opo ina okwa ka patulula oshibofa kopolifi.

Opolifi onghee nga tai kunghilile ounona novadali opo va kale alushe tava lopotele opolifi oibofa yomakwatonghonga shaashi eshi ohashi kala shipu opo ku ningwe omakonakono noupu.

– fhamalwa@nepc.com.na